LiveTV

Live

Entertainment

നമ്മുക്കവരെ ആവേശത്തോടെ വിളിക്കാം...മലപ്പുറത്തെ സഹോദരങ്ങൾ

കേരളം,അതി ജീവിക്കുന്ന ജനതയാണ്...എല്ലാതരം,പ്രകൃതി ദുരന്തങ്ങളേയും

നമ്മുക്കവരെ ആവേശത്തോടെ വിളിക്കാം...മലപ്പുറത്തെ സഹോദരങ്ങൾ

കരിപ്പൂരില്‍ വിമാനം തകര്‍ന്നുവീഴുമ്പോള്‍ കോവിഡിനെയും പേമാരിയെയും അവഗണിച്ചെത്തിയ കുറെ നല്ല മനുഷ്യരായിരുന്നു ആശ്വാസമായത്. രോഗം വരുമെന്ന പേടിയില്ലാതെ മനുഷ്യ ജീവനുകളെ കോരിയെടുത്ത മലപ്പുറത്തെ നല്ല മനുഷ്യര്‍. സോഷ്യല്‍ മീഡിയ ആകെ ഒരിക്കല്‍ കൂടി മലപ്പുറത്തിന് വേണ്ടി കയ്യടിക്കുകയാണ്. സമൂഹമാകെ മലപ്പുറത്തിന്‍റെ നല്ല മനസിനെ പ്രകീര്‍ത്തിക്കുകയാണ്. കോരിച്ചൊരിയുന്ന പേമാരിയിലും മഹാവ്യാധിയുടെ ആശങ്കയിലും രണ്ടിനെയും അവഗണിച്ച് സഹജീവികൾക്ക് വേണ്ടിയിറങ്ങിയവര്‍ മഹത്തായ സന്ദേശമാണ് നല്‍കുന്നതെന്ന് സംവിധായകന്‍ എം.എ നിഷാദ് ഫേസ്ബുക്കില്‍ കുറിച്ചു.

എം.എ നിഷാദിന്‍റെ കുറിപ്പ്

മരവിപ്പ്.... വല്ലാത്തൊരു ദിനമായിരുന്നു ഇന്നലെ.. കറുത്ത ദിനം...വല്ലാത്തൊരു മരവിപ്പ്.... എഴുതാൻ കഴിയുന്നില്ല.... ഉറ്റവരെയും ഉടയവരേയും നഷ്ടപ്പെട്ടവർ രാജമലയിലും...കരിപ്പൂരും...

അതിനിടയിൽ,നാം കണ്ടു മനുഷ്യരെ.... കോരിച്ചൊരിയുന്ന പേമാരിയിലും മഹാവ്യാധിയുടെ ആശങ്കയിലും...രണ്ടിനേയും അവഗണിച്ച് സഹജീവികൾക്ക് വേണ്ടി....അവർ....മനുഷ്യർ.... മലപ്പുറത്തും,രാജമലയിലുമുളളവർ നൽകുന്നത് ഒരു മഹത്തായ സന്ദേശമാണ് മനുഷ്യത്വത്തിന്‍റെ സന്ദേശം.... കേരളം,അതി ജീവിക്കുന്ന ജനതയാണ്... എല്ലാതരം,പ്രകൃതി ദുരന്തങ്ങളേയും... മഹാമാരികൾ,പകർത്തുന്ന വൈറസ്സുകളേയും... വിഷം തുപ്പുന്ന വർഗ്ഗീയ കോമരങ്ങളേയും.. കേരളത്തിന്‍റെ മക്കൾ അതിജീവിക്കും...രണ്ട് ദുരന്തങ്ങളിലും ജീവൻ നഷ്ടപ്പെട്ട..

സഹോദരങ്ങൾക്ക് ആദരാഞ്ജലികൾ !!! പ്രിയ പൈലറ്റ്,വസന്ത് സാഠേ,ജൂനിയർ പൈലറ്റ്,അഖിലേഷ് കുമാർ...കണ്ണീരോടെ വിട.... ഇതെഴുതുമ്പോളും,ജീവൻ രക്ഷാ പ്രവർത്തനങ്ങളിൽ ഏർപ്പെടുകയാണ് ആ നാട്ടിലെ ജനങ്ങൾ... ആശുപത്രിയിൽ,രക്തം നൽകാൻ വരി വരിയായി നിൽക്കുകയാണ് അവർ... മനുഷ്യർ....നമ്മുക്കവരെ ആവേശത്തോടെ വിളിക്കാം...അവർ...മലപ്പുറത്തെ സഹോദരങ്ങൾ....