LiveTV

Live

Entertainment

ഡയലോഗ് പറഞ്ഞിട്ട് കാര്യമില്ല, കൂടെ നിര്‍ത്താനുള്ള മനസാണ് വേണ്ടത്; ഡബ്ള്യൂ.സി.സിക്കെതിരെ നിര്‍മ്മാതാവ് ഷിബു ജി.സുശീലന്‍

കോസ്റ്റ്യൂം ഡിസൈനർ സ്റ്റെഫിക്ക് ആ നായിക മൂത്തസംവിധായികയുടെ പേര് പറയാമായിരുന്നു

ഡയലോഗ് പറഞ്ഞിട്ട് കാര്യമില്ല, കൂടെ നിര്‍ത്താനുള്ള മനസാണ് വേണ്ടത്; ഡബ്ള്യൂ.സി.സിക്കെതിരെ നിര്‍മ്മാതാവ് ഷിബു ജി.സുശീലന്‍

മലയാള സിനിമയിലെ വനിതാ പ്രവര്‍ത്തകരുടെ കൂട്ടായ്മയായ ഡ‍ബ്ള്യൂ.സി.സിക്കെതിരെ ആരോപണങ്ങള്‍ കനക്കുകയാണ്. സംവിധായിക വിധു വിന്‍സെന്‍റിന് പിന്നാലെ കോസ്റ്റ്യൂം ഡിസൈനര്‍ സ്റ്റെഫി സേവ്യറും രംഗത്ത് വന്നിരുന്നു. സ്റ്റെഫിക്ക് പിന്തുണയുമായി രംഗത്തെത്തിയിരിക്കുകയാണ് നിര്‍മ്മാതാവ് ഷിബു ജി. സുശീലന്‍. ഡയലോഗ് പറഞ്ഞിട്ടോ ,ബാനർ പൊക്കി പിടിച്ചു ഡാൻസ് കളിച്ചിട്ടോ കാര്യം ഇല്ല .കൂടെ നിർത്താനുള്ള മനസ്സാണ് വേണ്ടതെന്ന് ഷിബു ഫേസ്ബുക്കില്‍ കുറിച്ചു.

'സ്റ്റെഫി' ജനിക്കുമ്പോള്‍ സിനിമയിൽ വന്ന ആളാണ്; പണം ചോദിച്ചപ്പോള്‍ ആ സംവിധായികയുടെ മാസ്സ് ഡയലോഗ്, ഡബ്യൂസിസിക്കെതിരെ പുതിയ ആരോപണം
Also Read

'സ്റ്റെഫി' ജനിക്കുമ്പോള്‍ സിനിമയിൽ വന്ന ആളാണ്; പണം ചോദിച്ചപ്പോള്‍ ആ സംവിധായികയുടെ മാസ്സ് ഡയലോഗ്, ഡബ്യൂസിസിക്കെതിരെ പുതിയ ആരോപണം

ഷിബുവിന്‍റെ കുറിപ്പ് വായിക്കാം

കോസ്റ്റ്യൂം ഡിസൈനർ സ്റ്റെഫിക്ക് ആ നായിക മൂത്തസംവിധായികയുടെ പേര് പറയാമായിരുന്നു. പേര് പറയാതിരിക്കുമ്പോൾ ഡബ്ള്യൂ.സി.സിയില്‍ ഉള്ള മറ്റ് സംവിധായികമാരെയും ബാധിക്കും. അത് ശരി അല്ല. പേര് തുറന്നു പറയാൻ ധൈര്യം കാണിക്കണം . അവസരം തന്നത് ഇവിടെ ഉള്ള നിർമ്മാതാക്കളുംസംവിധായകരും ആണ് അത് കൊണ്ട് പേര് പറയാൻ മടി കാണിക്കേണ്ട കാര്യം ഇല്ല .

ഏതു കൊമ്പത്തെ നായിക സംവിധായിക ആയാലും ജോലി എടുപ്പിച്ചിട്ടു സഹപ്രവർത്തകയോട് ഇങ്ങനെ ആണോ ചെയുന്നത് .ഇത് ആണോ വനിതാസ്നേഹം .ഇതിനുള്ള "ഒരിടം "ആണോ ഡബ്ള്യൂ.സി.സി. ഡയലോഗ് പറഞ്ഞിട്ടോ ,ബാനർ പൊക്കി പിടിച്ചു ഡാൻസ് കളിച്ചിട്ടോ കാര്യം ഇല്ല .കൂടെ നിർത്താനുള്ള മനസ്സാണ് വേണ്ടത് .അല്ലാതെ അഹങ്കാരവും ധിക്കാരവും കാണിക്കുന്നത് ശരി അല്ല . സ്റ്റെഫിയെ സിനിമയിൽ വർക്ക്‌ ചെയ്യാൻ സംവിധായിക വിളിക്കുകയും, വ്യക്തിപരമായി അവരോടുള്ള വിശ്വാസം കൊണ്ട് പറഞ്ഞുറപ്പിച്ച തുകയുടെ അഡ്വാൻസോ, എഗ്രിമെന്‍റോ ഇല്ലാതെ തന്നെ ഏൽപ്പിച്ച ജോലി രണ്ടു ഷെഡ്യുളുകളിൽ ഒന്ന് പൂർത്തിയാക്കുകയും, അവസാന ഷെഡ്യുൾ പ്രീ പ്രൊഡക്ഷനും, ട്രയലും ചെയ്തുകൊടുത്തു .

എന്നാൽ റെമ്യുണറേഷൻ ചോദിച്ചപ്പോള്‍, അത് കൊടുക്കാതെ സ്റ്റെഫി അറിയാതെ വർക്ക്‌ ചെയ്യാൻ അവരുടെ അസിസ്റ്റന്റിനെ വിളിക്കുക ...അത് വളരെ മോശമായി പോയി . (നിങ്ങളെ മാറ്റിയിട്ടു നിങ്ങളുടെ അസിസ്റ്റന്റിനെ ഡയറക്ട്ചെയ്യാൻ വിളിച്ചാൽ നിങ്ങൾ പ്രതികരിക്കില്ലെ ) ഇക്കാര്യങ്ങളിൽ സ്റ്റെഫി പ്രതികരിച്ചപ്പോൾ

"സ്റ്റെഫിജനിക്കുമ്പോൾ സിനിമയിൽ വന്ന ആളാണ് ഞാൻ "എന്ന ഡയലോഗ് പറയുക ആണോ ചെയേണ്ടത് .ഇതൊക്കെ ഡബ്ള്യൂ.സി.സിയിലെ ഒരംഗം പറയുന്നത് #ശരിആണോ ? സിനിമയിൽ സ്ത്രീകൾക്ക് നേരെ വിവേചനം ഉണ്ടെന്നു പറഞ്ഞ് വന്ന സ്ത്രീ സംഘടനയായ ഡബ്ള്യൂ.സി.സി യിലുള്ള ഒരു സംവിധായിക ഇങ്ങനെ ആണോ സഹപ്രവർത്തകയോട് പെരുമാറുന്നത്. സ്റ്റെഫിയോട് ഡബ്ള്യൂ.സി.സിയിലെ ഒരംഗം കാണിച്ച വിവേചനത്തിന് എന്ത്നടപടി ആണ് വനിത സംഘടന എടുത്തത് ?

ഇനിയെങ്കിലും ആ സംവിധായികക്ക് എതിരെ നടപടി എടുക്കാൻ ഡബ്ള്യൂ.സി.സി എന്ന സംഘടന തയാറാകുമോ ? പ്രതിഫലം ചോദിച്ചതിന് സിനിമയുടെ ലാസ്റ്റ് ഷെഡ്യൂൾ നിന്ന് മാറ്റി നിർത്തിയിട്ട് സിനിമയുടെ ടൈറ്റിൽ കാർഡിലോ, താങ്ക്സ് കാർഡിലോ പോലും സ്റ്റെഫിയുടെ പേര് വെക്കാതെ ഒഴിവാക്കിയത് സംവിധായികയുടെ ധിക്കാരത്തെയും അഹങ്കാരത്തെയാണ് കാണുവാൻ സാധിക്കുന്നത് . സ്റ്റെഫിയും അവരുടെ ജോലിയിലുള്ള മികവിൽ കേരളസ്റ്റേറ്റ് അവാർഡ് വാങ്ങിയ വ്യക്തി ആണ് . 2015 ല്‍ സിനിമാജീവിതം തുടങ്ങിയ സ്റ്റെഫിക്കു മാത്രമല്ല, സിനിമയുടെ ടെക്നിക്കല്‍ വിഭാഗങ്ങളില്‍ ജോലി ചെയ്യുന്ന ഒരുപാട് സ്ത്രീകള്‍ക്കും താങ്ങും തണലുമായി നില്‍ക്കുന്നതും ഫെഫ്ക തന്നെയാണ് എന്ന് സ്റ്റെഫി പറഞ്ഞതിൽ ഫെഫ്ക യൂണിയന് അഭിമാനിക്കാം.


ഉയരെയില്‍ സിദ്ധിഖിനൊപ്പം പാര്‍വ്വതി അഭിനയിക്കുമ്പോള്‍ ഡബ്ള്യൂ.സി.സി എവിടെയായിരുന്നു? രൂക്ഷവിമര്‍ശവുമായി വിധു വിന്‍സെന്‍റ്
Also Read

ഉയരെയില്‍ സിദ്ധിഖിനൊപ്പം പാര്‍വ്വതി അഭിനയിക്കുമ്പോള്‍ ഡബ്ള്യൂ.സി.സി എവിടെയായിരുന്നു? രൂക്ഷവിമര്‍ശവുമായി വിധു വിന്‍സെന്‍റ്