LiveTV

Live

Entertainment

'കഥ പറയാന്‍ ജാതിയും മതവും നോക്കിയാല്‍ ആ നാട് വിപത്തിലേക്ക്; വാരിയന്‍കുന്നന്‍ ടീമിന് പിന്തുണയുമായി അരുണ്‍ ഗോപി

ഈ മണ്ണിലൊരു കഥ പറയാൻ ജാതിയും മതവും നോക്കേണ്ടി വന്നാൽ ആ നാട് വിപത്തിലേക്കാണ്.!! മണ്ണിന്റെയും മനുഷ്യരുടെയും കഥയുമായി എത്തുന്ന പ്രിയപ്പെട്ടവർക്ക് അഭിനന്ദനങ്ങൾ എന്നാണ് അരുണ്‍ഗോപിയുടെ ഫേസ്ബുക്ക് പോസ്റ്റ്

'കഥ പറയാന്‍ ജാതിയും മതവും നോക്കിയാല്‍ ആ നാട് വിപത്തിലേക്ക്; വാരിയന്‍കുന്നന്‍ ടീമിന് പിന്തുണയുമായി  അരുണ്‍ ഗോപി

വാരിയംകുന്നത്ത് കുഞ്ഞഹമ്മദ് ഹാജിയുടെ ജീവിത കഥ പറയുന്ന വാരിയംകുന്നന്‍ ടീമിന് അഭിനന്ദനുവുമായി സംവിധാകന്‍ അരുണ്‍ ഗോപി രംഗത്ത്. ഫേസ്ബുക്ക്പോസ്റ്റിലൂടെയാണ് അരുണ്‍ ഗോപി തന്റെ പിന്തുണ അറിയിച്ചത്. ഈ മണ്ണിലൊരു കഥ പറയാൻ ജാതിയും മതവും നോക്കേണ്ടി വന്നാൽ ആ നാട് വിപത്തിലേക്കാണ്...!! മണ്ണിന്റെയും മനുഷ്യരുടെയും കഥയുമായി എത്തുന്ന പ്രിയപ്പെട്ടവർക്ക് അഭിനന്ദനങ്ങൾ എന്നാണ് അരുണ്‍ഗോപിയുടെ ഫേസ്ബുക്ക് പോസ്റ്റ്. വാരിയംകുന്നന്‍ ടീമിന് നേരെയും പ്രത്യേകിച്ച് നായകകഥാപാത്രത്തെ അവതരിപ്പിക്കുന്ന പൃഥ്വിരാജിന് നേരെയും സൈബര്‍ ആക്രമണം നടക്കുന്ന പശ്ചാതലത്തില്‍ കൂടിയാണ് അരുണ്‍ ഗോപിയുടെ ഫേസ്ബുക്ക് പോസ്റ്റ്.

വാരിയംകുന്നത്ത് കുഞ്ഞഹമ്മദ് ഹാജിയുടെ ജീവിത കഥ പറയുന്ന ചിത്രത്തിന്റെ പ്രഖ്യാപനം നടത്തിയതിന് പിന്നാലെ നടന്‍ പൃഥ്വിരാജിന് നേരെ സംഘ്പരിവാര്‍ സൈബര്‍ ആക്രമണം നടക്കുന്നുണ്ട്. ആഷിഖ് അബു സംവിധാനം ചെയ്യുന്ന ചിത്രത്തില്‍ കുഞ്ഞഹമ്മദ് ഹാജിയായി എത്തുന്നത് പൃഥ്വിരാജാണ്. ഈ ചിത്രത്തിന്റെ പ്രഖ്യാപനം ഫേസ്ബുക്ക് പേജിലൂടെയാണ് പൃഥ്വിരാജ് നടത്തിയത്. ഇതിനടിയിലാണ് സംഘ്പരിവാറിന്റെ ആക്രമണം. വാരിയംകുന്നത്ത് കുഞ്ഞമ്മദ് ഹാജിയേയും പൃഥ്വിരാജിനേയും അധിക്ഷേപിച്ചും ചരിത്രത്തെ വളച്ചൊടിച്ചുമൊക്കയാണ് ഭൂരിഭാ​ഗം സംഘ്പരിവാർ കമന്റുകളും.

വര്‍ഗീയതയും അപവാദങ്ങളും നിറഞ്ഞ പ്രസ്താവനകളാണ് ആഷിഖ് അബുവിനും പൃഥ്വിരാജിനും എതിരെ ഉയര്‍ത്തുന്നത്. പൃഥ്വിരാജിനെ വ്യക്തിപരമായി അധിക്ഷേപിച്ചും കുടുംബത്തെ വലിച്ചിഴച്ചും വരെ കമന്റുകള്‍ പ്രവഹിക്കുന്നുണ്ട്. അതേസമയം ബി.ജെ.പി നേതാക്കളും പൃഥ്വിരാജിനെതിരെ രംഗത്തുണ്ട്. ചിത്രത്തില്‍ നിന്ന് പിന്മാറണമെന്നും അല്ലെങ്കിൽ ചരിത്രം നിങ്ങളെ ഒറ്റുകാരൻ എന്ന് രേഖപ്പെടുത്തുമെന്നാണ് ബി.ജെ.പി നേതാവ് ബി രാധാകൃഷ്ണ മോനോന്‍ തന്റെ ഫേസ്ബുക്ക് പോസ്റ്റില്‍ കുറിച്ചത്. ബി.ജെ.പി വക്താവ് സന്ദീപ് വാര്യരും പൃഥ്വിരാജിനെതിരെ രംഗത്ത് എത്തി. ചിത്രത്തിനെതിരെയാണ് അലി അക്ബറിന്റെ ഫേസ്ബുക്ക് പോസ്റ്റ്.

'വാരിയംകുന്നന്‍; പൃഥ്വിരാജിനെതിരെ സംഘ്പരിവാര്‍ സൈബര്‍ ആക്രമണം
Also Read

'വാരിയംകുന്നന്‍; പൃഥ്വിരാജിനെതിരെ സംഘ്പരിവാര്‍ സൈബര്‍ ആക്രമണം