LiveTV

Live

Entertainment

സുശാന്തിന്‍റെ ആത്മഹത്യ; കാരണം വെളിപ്പെടുത്തി സഹപ്രവര്‍ത്തക

ബോളിവുഡ് ഇന്‍ഡസ്ട്രീക്കകത്ത് ആരും തന്നെ സുഹൃത്തുക്കളായി കാണില്ലെന്നും സ്വപ്ന ട്വീറ്റിലൂടെ പങ്കുവെച്ചു.

സുശാന്തിന്‍റെ ആത്മഹത്യ; കാരണം വെളിപ്പെടുത്തി സഹപ്രവര്‍ത്തക

അന്തരിച്ച ബോളിവുഡ് നടന്‍ സുശാന്ത് സിങ് രാജ്പുതിന്‍റെ ആത്മഹത്യാകാരണം വെളിപ്പെടുത്തി സഹപ്രവര്‍ത്തകയും ഹെയര്‍ സ്റ്റൈലിസ്റ്റുമായ സ്വപ്ന ഭവാനി. കുറച്ച് വര്‍ഷങ്ങളായി സുശാന്ത് പ്രശ്നങ്ങളിലൂടെയാണ് കടന്നുപോയിരുന്നതെന്നും ബോളിവുഡ് ഇന്‍ഡസ്ട്രിക്കകത്തെ ആരും തന്നെ കൂടെ നിന്നിരുന്നില്ലെന്നും സ്വപ്ന ഭവാനി ട്വിറ്ററില്‍ കുറിച്ചു. ബോളിവുഡ് ഇന്‍ഡസ്ട്രീക്കകത്ത് ആരും തന്നെ സുഹൃത്തുക്കളായി കാണില്ലെന്നും സ്വപ്ന ട്വീറ്റിലൂടെ പങ്കുവെച്ചു.

ഇന്ന് മുംബൈ ബാന്ദ്രയിലെ വസതിയില്‍ തൂങ്ങി മരിച്ച നിലയിലാണ് സുശാന്ത് സിങിനെ കണ്ടെത്തിയത്. 34 വയസ്സായിരുന്നു. 'പവിത്ര രിഷ്ട' എന്ന ടെലിവിഷന്‍ സീരീയലിലൂടെയാണ് സുശാന്ത് സിങ് അഭിനയരംഗത്തേക്കെത്തുന്നത്. കയ്പ്പോച്ചെ എന്ന സിനിമയിലൂടെയാണ് ബിഗ് സ്ക്രീന്‍ അരങ്ങേറ്റം. എംഎസ് ധോണി ദ അണ്‍ടോള്‍ഡ് സ്റ്റോറി, പികെ, കേദാര്‍നാഥ്, വെല്‍ക്കം ടു ന്യൂയോര്‍ക്ക് തുടങ്ങിയവയാണ് പ്രധാന ചിത്രങ്ങള്‍. ചിച്ചോരെയാണ് സുശാന്തിന്‍റേതായി പുറത്തിറങ്ങിയ അവസാനം ചിത്രം. 2019ല്‍ സുശാന്തിന്‍റെതായി പുറത്തിറങ്ങാനിരുന്ന 5 ചിത്രങ്ങള്‍ മുടങ്ങിയതും മരണത്തിലേക്ക് വിരല്‍ ചൂണ്ടുന്നതായി റിപ്പോര്‍ട്ടുകളുണ്ട്.