LiveTV

Live

Entertainment

തല തിരിഞ്ഞ ആൾക്കൂട്ടത്തെ പോറ്റി വളർത്തരുത്,ആകയുള്ള പ്രതീക്ഷ ഫഹദ് ഫാസിലാണ്; തുറന്നടിച്ച് ഹരീഷ് പേരടി

ആ കേരളത്തെ തലക്കോളമില്ലാത്ത ഫാൻസുകൾ എന്ന ആൾകൂട്ടത്തിന് അഴിഞ്ഞാടാൻ വിട്ടുകൊടുക്കരുത്

തല തിരിഞ്ഞ ആൾക്കൂട്ടത്തെ പോറ്റി വളർത്തരുത്,ആകയുള്ള പ്രതീക്ഷ ഫഹദ് ഫാസിലാണ്; തുറന്നടിച്ച് ഹരീഷ് പേരടി

റിയാലിറ്റി ഷോയില്‍ നിന്നും പുറത്തായ രജിത് കുമാറിന് നെടുമ്പാശ്ശേരി വിമാനത്താവളത്തില്‍ സ്വീകരണം നല്‍കിയ സംഭവത്തില്‍ പ്രതികരണവുമായി നടന്‍ ഹരീഷ് പേരടി. ഫാൻസ് അസോസിയേഷനുകൾ വേണ്ട എന്ന് ഉറക്കെ പ്രഖ്യാപിച്ച ഫഹദ്ഫാസിലിൽ മാത്രമാണ് ഇനി തനിക്ക് പ്രതീക്ഷ എന്നാണ് ഹരീഷ് കുറിപ്പിലൂടെ പറയുന്നത്.

‘’നാടക കലാകാരന്മാര്‍ തലങ്ങും വിലങ്ങും ഓടിയിട്ടാണ് ഇന്ന് നിങ്ങള്‍ കാണുന്ന കേരളമുണ്ടായത്’’ ഹരീഷ് പേരടി
Also Read

‘’നാടക കലാകാരന്മാര്‍ തലങ്ങും വിലങ്ങും ഓടിയിട്ടാണ് ഇന്ന് നിങ്ങള്‍ കാണുന്ന കേരളമുണ്ടായത്’’ ഹരീഷ് പേരടി

ഹരീഷ് പേരടിയുടെ കുറിപ്പ്

എല്ലാ ഫാൻസുകാരെയും നിയമപരമായി നിയന്ത്രിക്കേണ്ട സമയം അതിക്രമിച്ചിരിക്കുന്നു..കഴിഞ്ഞ വർഷമാണ് സംസ്ഥാനത്തിന്റെ മുഖ്യമന്ത്രി പങ്കെടുത്ത ഒരു യോഗത്തിൽ ഒരു സൂപ്പർസ്റ്റാർ ഫാൻസ് മുഖ്യമന്ത്രിയെ സംസാരിക്കാൻ സമ്മതിക്കാത്ത രീതിയിൽ ബഹളമുണ്ടാക്കുകയും ആ പ്രമുഖ നടൻ ഇരിക്കുന്ന വേദിയിൽ വെച്ച് സംസ്ഥാനത്തിന്റെ മുഖ്യമന്ത്രി പ്രസംഗം മുഴുമിപ്പിക്കാതെ അവസാനിപ്പിച്ചതും…

ഇതും ഈ സമയത്ത് ചർച്ച ചെയ്യപ്പെടേണ്ടതാണ് എന്ന് ഒരു ജനാധിപത്യ വിശ്വാസിയായ ഞാൻ രാഷ്ട്രീയ ഭേദമന്യേ വിശ്വസിക്കുന്നു…എത്രയോ മനുഷ്യർ അവരുടെ ജീവൻ കൊടുത്ത് ഉണ്ടാക്കിയെടുത്തതാണീ ജനാധിപത്യ കേരളം…ആ കേരളത്തെ തലക്കോളമില്ലാത്ത ഫാൻസുകൾ എന്ന ആൾകൂട്ടത്തിന് അഴിഞ്ഞാടാൻ വിട്ടുകൊടുക്കരുത്…ഈ എയർപോർട്ട് സംഭവത്തോടെ ഇതിന് ഒരു അവസാനമുണ്ടാവണം..

ഫാൻസ് അസോസിയേഷനുകളുള്ള ചെറുതും വലുതുമായ ഏല്ലാ നടൻമാർക്കും ഇത് ബാധകമാണ് …മലയാളത്തിന്റെ അഭിമാനം ഉയർത്തിപിടിച്ച എല്ലാ മഹാനടൻമാരുടെയും അഭിനയമികവിന് മുൻപിൽ ബഹുമാനത്തോടെ തല താഴ്ത്തി കൊണ്ട് പറയുന്നു…ഇത്തരം തലതിരിഞ്ഞ ആൾക്കൂട്ടത്തെ പോറ്റി വളർത്തരുത്..ആകെയുള്ള പ്രതീക്ഷയും ഉദാഹരണവും മലയാളികൾ ഹൃദയത്തിലേറ്റിയ ഫഹദ് ഫാസിൽ എന്ന നടൻ മാത്രമാണ്…തനിക്ക് ഫാൻസ് അസോസിയേഷനുകൾ വേണ്ട എന്ന ഉറക്കെ പ്രഖ്യാപിച്ച ഒരേയൊരു ഫഹദ് …പുതിയ കേരളം മഹാനടൻമാരുടെ പുതിയ തീരുമാനങ്ങൾക്കായാണ് കാത്തിരിക്കുന്നത്…