LiveTV

Live

Entertainment

ഷെയ്നിന്റെ ഖല്‍ബിലേക്ക് ആലപ്പുഴക്കാരെ തേടുന്നു

പ്രണയത്തിനൊപ്പം ആക്ഷനും പ്രാധാന്യം നല്‍കി ഒരുക്കുന്ന സിനിമയാണ് ഖല്‍ബ്

 ഷെയ്നിന്റെ ഖല്‍ബിലേക്ക് ആലപ്പുഴക്കാരെ തേടുന്നു

ഷെയ്ന്‍ നിഗം നായകനാകുന്ന പുതിയ ചിത്രം ഖല്‍ബ് അണിയറയിലൊരുങ്ങിക്കൊണ്ടിരിക്കുകയാണ്. ഉടന്‍ ചിത്രീകരണം ആരംഭിക്കാനൊരുങ്ങുന്ന ചിത്രത്തിലേക്ക് നായിക അടക്കമുള്ള അഭിനേതാക്കളെ തേടുകയാണ് അണിയറ പ്രവര്‍ത്തകര്‍. നടീനടന്‍മാരെ തേടിക്കൊണ്ട് ഷെയ്ന്‍ തന്നെ പുറത്ത് വിട്ട ഒരു കാസ്റ്റിംഗ് കാള്‍ വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്. ആലപ്പുഴക്കാര്‍ക്കാണ് മുന്‍ഗണന.

പ്രണയത്തിനൊപ്പം ആക്ഷനും പ്രാധാന്യം നല്‍കി ഒരുക്കുന്ന സിനിമയാണ് ഖല്‍ബ്. സിനിമപ്രാന്തന്‍ പ്രൊഡക്ഷന്‍സും അര്‍ജുന്‍ അമരാവതി ക്രീയേഷന്‍സും ചേര്‍ന്നൊരുക്കുന്ന ചിത്രം സംവിധാനം ചെയ്യുന്നത് സാജിദ് യഹിയ ആണ്.സിദ്ധിഖ്, സൈജു കുറുപ്പ്, മുത്തുമണി, ബിനീഷ് കോടിയേരി തുടങ്ങിയവര്‍ ആണ് മറ്റു പ്രധാന വേഷങ്ങളില്‍ എത്തുന്നത്.

പൂര്‍ണ്ണമായും ആലപ്പുഴയില്‍ ഒരുക്കുന്ന സിനിമക്ക് സംഗീതം ഒരുക്കുന്നത് പ്രകാശ് അലക്സ്, വിമല്‍ നാസര്‍, റെനീഷ് ബഷീര്‍, നിഹാല്‍ എന്നിവര്‍ ചേര്‍ന്നാണ്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ നേരത്തെ പുറത്തിറങ്ങിയിരുന്നു.