ബി.ജെ.പി പ്രചരണം പാളി; ദീപികയുടെ ട്വിറ്റർ ഫോളോവേഴ്സിൽ വന്‍ വർധനവ്
ബി.ജെ.പിയുടെ പ്രചാരണത്തിന് ബദലായി ഐ സ്റ്റാൻഡ് വിത്ത് ദീപിക എന്ന പേരിൽ കാമ്പയിന്‍ തുടങ്ങിയിരുന്നു.
ജെ.എൻ.യു വിദ്യാർഥികളെ പിന്തുണച്ച് രംഗത്തെത്തിയതിന് പിന്നാലെ ബോളിവുഡ് താരം ദീപിക പദുകോണിന്റെ ട്വിറ്റര്‍ ഫോളോ ചെയ്യുന്നവരില്‍ വര്‍ദ്ധനവ്. കഴിഞ്ഞ ഒരു ദിവസം മാത്രം 40,000 പേരാണ് ദീപികയെ ട്വിറ്ററിൽ പുതുതായി ഫോളോ ചെയ്യാനെത്തിയത്. 26.8 മില്യൺ ആളുകളാണ് നിലവിൽ ദീപികയെ ട്വിറ്ററിൽ ഫോളോ ചെയ്യുന്നത്. ബി.ജെ.പിയുടെ പ്രചാരണത്തിന് ബദലായി ഐ സ്റ്റാൻഡ് വിത്ത് ദീപിക എന്ന പേരിൽ കാമ്പയിന്‍ തുടങ്ങിയിരുന്നു.
ജെ.എൻ.യു വിദ്യാർഥികളെ പിന്തുണച്ച് രംഗത്തെത്തിയതിന് പിന്നാലെ വലിയ കുപ്രചാരണമാണ് ട്വിറ്ററിൽ ബി.ജെ.പി നേതാക്കൾ നടത്തിയത്. ദീപികയേയും അവരുടെ സിനിമയായ ചപകും ബഹിഷ്കരിക്കണമെന്നും അവരുടെ ട്വിറ്റർ അക്കൗണ്ട് ഫോളോ ചെയ്യുന്നത് ഒഴിവാക്കണമെന്നും ബി.ജെ.പി നേതാക്കൾ ആവശ്യപ്പെട്ടിരുന്നു.
ബോളിവുഡിൽ ഏറ്റവും കൂടുതൽ ആളുകൾ ഫോളോ ചെയ്യുന്ന നടിയാണ് ദീപിക. രണ്ടാം സ്ഥാനത്തുള്ള പ്രിയങ്ക ചോപ്രയേക്കാൾ പത്ത് ലക്ഷം ഫോളോവേഴ്സ് ദീപികക്ക് കൂടുതലാണ്. അനുഷ്ക ശർമ്മ, അലിയ ഭട്ട് എന്നീ താരങ്ങളേക്കാൾ അമ്പത് ലക്ഷം ഫോളോവേഴ്സും ദീപികക്ക് അധികമാണ്.
Cricket
സയ്യിദ് മുഷ്താഖ് അലി ട്രോഫി; കേരളം ക്വാര്‍ട്ടറിലെത്തുമോ? ഇന്ന് ഹരിയാനക്കെതിരെ
Kerala
ബാര്‍ തൊഴിലാളികളുടെ പുനരധിവാസം നടപ്പാക്കിയില്ല; സര്‍ക്കാര്‍ പരാജയമെന്ന് സി.എ.ജി
Kerala
ജോസ് വിഭാഗമാണ് കേരള കോൺഗ്രസ് എം. എന്ന പ്രചാരണം തെറ്റാണെന്ന് ജോസഫ് വിഭാഗം
National
