ദീപിക പദുകോണിന്‍റെ ചപ്പാക്ക് നികുതി രഹിതമായി പ്രദര്‍ശിപ്പിക്കാന്‍ മധ്യപ്രദേശും ചത്തീസ്ഗഡും
സിനിമയിലെ പ്രധാന നടിയായ ദീപിക പദുകോണ്‍ ജെ.എന്‍.യു സമരത്തില്‍ ഐക്യദാര്‍ഢ്യം പ്രഖ്യാപിച്ചുകൊണ്ട് ക്യാമ്പസിലെത്തിയ സംഭവത്തിനുശേഷം ചിത്രം ബഹിഷ്‌കരിക്കുമെന്ന് ബി.ജെ.പി നേതാക്കള്‍ പറഞ്ഞിരുന്നു
ദീപിക പദുകോണ്‍ നായികയായെത്തുന്ന ചപ്പാക്ക് മധ്യപ്രദേശിലും ചത്തീസ്ഗഡിലും നികുതി രഹിതമായി പ്രദര്‍ശിപ്പിക്കും. ചത്തീസ്ഗഡ്, മധ്യപ്രദേശ് തുടങ്ങിയ സംസ്ഥാനങ്ങള്‍ ഔദ്യോഗികമായാണ് ഈ വിവരം പുറത്തുവിട്ടത്.
മധ്യപ്രദേശ് മുഖ്യമന്ത്രി കമല്‍ നാഥ് തന്റെ ട്വിറ്ററിലൂടെയാണ് ഈ വിവരം പുറത്ത് വിട്ടത്. ആസിഡ് അറ്റാക്ക് അതിജീവിച്ചരെക്കുറിച്ച് പോസിറ്റീവായ സന്ദേശം നല്‍കുന്ന സിനിമയാണ് ചപ്പാക്കെന്നും അദ്ദേഹം പറഞ്ഞു. ലക്ഷ്മി അഗര്‍വാളിന്റെ ജീവിത യാഥാര്‍ഥ്യങ്ങള്‍ മാത്രമല്ല, ആസിഡ് അറ്റാക്ക് അതിജീവിച്ചവരുടെ പോരാട്ടങ്ങളും സ്ഥിരതയും ജീവിതത്തോടുള്ള സമരങ്ങളും കാണിച്ചു തരുന്ന സിനിമയാണ് ചപ്പാക്ക് എന്നും അദ്ദേഹം കൂട്ടിച്ചേര്‍ത്തു.
മധ്യപ്രദേശിന് പിന്നാലെ ചത്തീസ്ഗഡും നികുതി രഹിതമായി സംസ്ഥാനത്ത് ചിത്രം പ്രദര്‍ശനത്തിനെത്തുമെന്ന വാഗ്ദാനവുമായി രംഗത്തെത്തി. ആസ്ഡ് അറ്റാക്കിന് ഇരയായിട്ടും ജീവിതത്തെ പൊരുതി വിജയിച്ച ലക്ഷ്മി അഗര്‍വാളിന്റെ ജീവിത കഥയാണ് ഈ മേഖ്‌ന ഗുല്‍സാര്‍ ചിത്രം പറയുന്നത്. സിനിമയിലെ പ്രധാന നടിയായ ദീപിക പദുകോണ്‍ ജെ.എന്‍.യു സമരത്തില്‍ ഐക്യദാര്‍ഢ്യം പ്രഖ്യാപിച്ചുകൊണ്ട് ക്യാമ്പസിലെത്തിയ സംഭവത്തിനുശേഷം ചിത്രം ബഹിഷ്‌കരിക്കുമെന്ന് ബി.ജെ.പി നേതാക്കള്‍ പറഞ്ഞിരുന്നു.
Kerala
മലപ്പുറത്ത് പൗരത്വ നിയമത്തെ അനുകൂലിച്ച ഹിന്ദുക്കള്‍ക്ക് കുടിവെള്ളം നിഷേധിച്ചെന്ന വ്യാജ ട്വിറ്റ്; ബി.ജെ.പി എം.പി ശോഭ കരന്തലജക്കെതിരെ പരാതി
Cricket
സേവാഗിന്റെ തലയിലെ മുടിയേക്കാള്‍ കൂടുതല്‍ പണം തന്റെ പക്കലുണ്ടെന്ന് അക്തര്‍
Entertainment
‘ഇത് അയ്യപ്പനും കോശിയും തമ്മിലുള്ള പ്രശ്നം മാത്രമല്ല’; ആക്ഷന്‍ ട്രെയിലര്‍ കാണാം
Tennis