LiveTV

Live

Entertainment

‘കർണൻ നെപ്പോളിയൻ ഭഗത് സിംഗ്’; ആ ഹിറ്റ് ഡയലോഗ് ഇനി സിനിമ

‘കർണൻ നെപ്പോളിയൻ ഭഗത് സിംഗ്’; ആ ഹിറ്റ് ഡയലോഗ് ഇനി സിനിമ

‘സെവന്‍ത് ഡേ’ എന്ന പൃഥിരാജ് ചിത്രത്തിലൂടെ ഏറ്റവും ഹിറ്റായി മാറിയ മാസ്സ് ഡയലോഗാണ് കർണൻ നെപ്പോളിയൻ ഭഗത് സിംഗ്. ഈ ഡയലോഗ് കേട്ട് ആവേശം കൊള്ളാത്ത ഒരു മലയാളിയും ഇല്ലെന്നു തന്നെ പറയാം. പക്ഷെ ഇവർ തോറ്റവരല്ലെന്ന് കേൾക്കാൻ ആഗ്രഹിക്കുന്നവരാണ് ബഹുഭൂരിപക്ഷവും. കാരണം തോറ്റുകൊടുക്കാൻ മനസ്സുള്ളവന്റെയത്രയും വിജയിച്ചവരാരും ഈ ലോകത്തിൽ വേറെയില്ല.

ഫസ്റ്റ് പേജ് എൻറർടെയ്മെൻറിന്റെ ബാനറിൽ ശരത് ജി മോഹൻ സംവിധാനം ചെയ്യുന്ന കർണൻ നെപ്പോളിയൻ ഭഗത് സിംഗ് എന്ന ഈ ചിത്രം പുറത്തിറങ്ങുന്നത് ഈ ഡയലോഗിന്റെ ചുവട് പിടിച്ചാണ്. മലയാളത്തിലെ യുവതാരങ്ങള്‍ അണിനിരക്കുന്ന ചിത്രത്തിന്റെ ഫസ്റ്റ് ലുക്ക് മോഷന്‍ പോസ്റ്റര്‍ അണിയറ പ്രവര്‍ത്തകര്‍ പുറത്തുവിട്ടു. ചിത്രത്തിന്റെ ഛായാഗ്രഹണം ഒരുക്കുന്നത് പ്രശാന്ത് കൃഷ്ണയും എഡിറ്റിംഗ് റെക്സണ്‍ ജോസഫും നിര്‍വ്വഹിക്കുന്നു. റഫീഖ് അഹമ്മദ്, ഹരിനാരായണന്‍, ശരത് ജി മോഹൻ എന്നിവരുടെ വരികള്‍ക്ക് സംഗീതം നല്‍കുന്നത് രഞ്ജിന് രാജാണ്. വസ്ത്രാലങ്കാരം സമീറ സനീഷ്.