LiveTV

Live

Entertainment

മഞ്ജുവാര്യറും സംഘവും ഹിമാചലില്‍ കുടുങ്ങിയ വിവരമറിയിച്ചത് ദിലീപ്, രക്ഷപ്പെടുത്താനുള്ള നടപടികള്‍ ആവശ്യപ്പെട്ടു; ഹൈബി 

നടന്‍ ദിലീപാണ് തന്നെ ഇക്കാര്യം വിളിച്ച് അറിയിച്ചതെന്നും രക്ഷപ്പെടുത്തുന്നതിനുള്ള നടപടികള്‍ സ്വീകരിക്കണമെന്ന് ദിലീപ് ആവശ്യപ്പെട്ടതായും ഹൈബി വ്യക്തമാക്കുന്നു.

മഞ്ജുവാര്യറും സംഘവും ഹിമാചലില്‍ കുടുങ്ങിയ വിവരമറിയിച്ചത് ദിലീപ്, രക്ഷപ്പെടുത്താനുള്ള നടപടികള്‍ ആവശ്യപ്പെട്ടു; ഹൈബി 

മഞ്ജുവാര്യറും സംഘവും ഹിമാചലില്‍ കുടുങ്ങിയ കാര്യം തന്നെ അറിയിച്ചത് നടന്‍ ദിലീപാണെന്ന് ഹൈബി ഈഡന്‍ എം.പി. രക്ഷപ്പെടുത്തുന്നതിനുള്ള നടപടികള്‍ സ്വീകരിക്കണമെന്ന് ദിലീപ് ആവശ്യപ്പെട്ടതായും ഹൈബി വ്യക്തമാക്കുന്നു. രക്ഷപ്പെടുത്തുന്നതിന്റെ ഭാഗമായി കേന്ദ്രധനകാര്യ സഹമന്ത്രിയും ഹിമാചലില്‍ നിന്നുള്ള എം.പിയുമായ അനുരാഗ് താക്കൂറുമായി ബന്ധപ്പെട്ടിരുന്നതായും ഹൈബി ഈഡന്‍ പറയുന്നു. ഫേസ്ബുക്കില്‍ എഴുതിയ കുറിപ്പിലാണ് ഹൈബി ഇക്കാര്യം വ്യക്തമാക്കുന്നത്.

സനല്‍ കുമാര്‍ ശശിധരന്‍റെ സിനിമാ ഷൂട്ടിങിന് പോയ 30 അംഗ സംഘമാണ് ഹിമാചലിലെ ഛത്രുവില്‍ കുടുങ്ങിയത്. അതേസമയം മഞ്ജുവാര്യറേയും സംഘത്തെയും രക്ഷപ്പെടുത്തിയിട്ടുണ്ട്. സംഘത്തെ ഉടന്‍ മണാലിയിലേക്ക് എത്തിക്കും.

ഹൈബി ഈഡന്റെ ഫേസ്ബുക്ക് പോസ്റ്റിന്റെ പൂര്‍ണരൂപം;

മഞ്ജു വാര്യരും സംഘവും ഹിമാചലിലെ ചത്രു എന്ന സ്ഥലത്ത് പ്രളയത്തിൽ കുടുങ്ങി കിടക്കുകയാണ്. ഇരുന്നൂറോളം വരുന്ന സംഘത്തോടൊപ്പമാണ് മഞ്ജു വാര്യരുമുള്ളത്. മഞ്ജുവിനോടൊപ്പമുള്ള സംഘത്തിൽ 30 ഓളം പേരാണുള്ളത്. അവരുടെ സഹോദരൻ മധു വാര്യരുമായി സാറ്റലൈറ്റ് ഫോൺ വഴി ബന്ധപ്പെട്ടു എന്നാണ് അറിയാൻ സാധിക്കുന്നത്. രണ്ട് ദിവസത്തേക്കുള്ള ഭക്ഷണം മാത്രമാണ് അവരുടെ പക്കലുള്ളത്.

നടൻ ദിലീപാണ് തന്നെ വിളിച്ച് ഇക്കാര്യം അറിയിച്ചത്. രക്ഷപ്പെടുത്തുന്നതിനുള്ള നടപടികൾ സ്വീകരിക്കണമെന്ന് അദ്ദേഹം ആവശ്യപ്പെട്ടു. കേന്ദ്ര ധനകാര്യ സഹ മന്ത്രിയും ഹിമാചലിൽ നിന്നുള്ള എം. പി യുമായ അനുരാഗ് താക്കൂറുമായി ബന്ധപ്പെട്ടു. രക്ഷാ പ്രവർത്തനത്തിന് ആവശ്യമായ എല്ലാ നടപടികളും സ്വീകരിക്കാമെന്ന് അദ്ദേഹം ഉറപ്പ് നൽകിയിട്ടുണ്ട്. മഞ്ജു വാര്യരുടെയും സംഘത്തിന്റെയും തിരിച്ചു വരവിനായി നമുക്ക് പ്രാർത്ഥിക്കാം.