LiveTV

Live

Entertainment

സ്ത്രീകളെ ഉപദ്രവിച്ചിട്ടുണ്ടെന്ന് ഒരാള്‍ പറയുമ്പോള്‍ കയ്യടിക്കുന്നു; ബിഗ് ബോസിനെതിരെ ചിന്മയി 

“താന്‍ സ്ത്രീകളെ തോണ്ടുകയും ഉപദ്രവിക്കുകയും ചെയ്തിട്ടുണ്ടെന്ന് ഒരാള്‍ അഭിമാനത്തോടെ പറഞ്ഞത് ഒരു തമിഴ് ചാനല്‍ സംപ്രേഷണം ചെയ്തിരിക്കുന്നു. പ്രേക്ഷകര്‍ കയ്യടിക്കുന്നു. കഷ്ടം”

സ്ത്രീകളെ ഉപദ്രവിച്ചിട്ടുണ്ടെന്ന് ഒരാള്‍ പറയുമ്പോള്‍ കയ്യടിക്കുന്നു; ബിഗ് ബോസിനെതിരെ ചിന്മയി 

കമല്‍ഹാസന്‍ അവതാരകനായ തമിഴിലെ ബിഗ് ബോസിനെതിരെ വീണ്ടും കടുത്ത വിമര്‍ശനം. ബിഗ് ബോസിലെ മത്സരാര്‍ത്ഥികളില്‍ ഒരാളായ ശരവണന്‍ കോളജില്‍ പഠിക്കുന്ന കാലത്ത് ബസില്‍ കയറുമ്പോള്‍ സ്ത്രീകളെ തോണ്ടുകയും ദുരുദ്ദേശത്തോടെ സ്പര്‍ശിക്കുകയും ചെയ്തിട്ടുണ്ടെന്ന പ്രസ്താവനയെ കയ്യടികളോടെ കാണികള്‍ സ്വീകരിച്ചതിനെതിരെയാണ് വിമര്‍ശനം. ശരവണന്റെ വെളിപ്പെടുത്തല്‍ കമല്‍ഹാസന്‍ നിസ്സാരവല്‍ക്കരിച്ചതും വിവാദമായി.

സ്ത്രീകളെ ഉപദ്രവിച്ചിട്ടുണ്ടെന്ന് ഒരാള്‍ പറയുമ്പോള്‍ കയ്യടിക്കുന്നു; ബിഗ് ബോസിനെതിരെ ചിന്മയി 

ശരവണനും കമല്‍ഹാസനുമെതിരെ സോഷ്യല്‍ മീഡിയയില്‍ കടുത്ത വിമര്‍ശനമാണ് ഉയരുന്നത്. ഗായിക ചിന്‍മയി ശ്രീപദ ട്വീറ്റിലൂടെ രൂക്ഷ വിമര്‍ശനം ഉയന്നയിച്ചു- "താന്‍ സ്ത്രീകളെ തോണ്ടുകയും ഉപദ്രവിക്കുകയും ചെയ്തിട്ടുണ്ടെന്ന് ഒരാള്‍ അഭിമാനത്തോടെ പറഞ്ഞത് ഒരു തമിഴ് ചാനല്‍ സംപ്രേഷണം ചെയ്തിരിക്കുന്നു. പ്രേക്ഷകര്‍ കയ്യടിക്കുന്നു. കയ്യടിക്കുന്ന പ്രേക്ഷകര്‍ക്കും സ്ത്രീകള്‍ക്കും പീഡകനും ഇതൊരു തമാശയാണ്, കഷ്ടം"- ചിന്‍മയി ട്വീറ്റ് ചെയ്തു.

നേരത്തെ നടനും സംവിധായകനുമായ ചേരനെതിരെ ആരോപണവുമായി നടി മീര മിഥുന്‍ രംഗത്ത് വന്നിരുന്നു. ഷോയില്‍ ഒരു ടാസ്‌ക് ചെയ്യുന്നതിനിടെയുള്ള ചേരന്‍റെ സ്പര്‍ശനത്തെ കുറിച്ചായിരുന്നു ആരോപണം. എന്നാല്‍ തിരക്കിനിടയില്‍ മനപൂര്‍വ്വമല്ലാതെ ഇങ്ങനെ സംഭവിക്കാറുണ്ടെന്നായിരുന്നു കമല്‍ ഹാസന്‍റെ മറുപടി. ഉദാഹരണമായി തിരക്കുള്ള ബസില്‍ സ്ത്രീകളെ തോണ്ടുക എന്ന ഉദ്ദേശത്തോടെയല്ല ആളുകള്‍ കയറുന്നതെന്ന് കമല്‍ ഹാസന്‍ പറഞ്ഞു. അപ്പോഴാണ് താന്‍ പഠിക്കുന്ന കാലത്ത് അങ്ങനെ ചെയ്തിട്ടുണ്ടെന്ന് ശരവണന്‍ പറഞ്ഞത്. കമല്‍ ഹാസന്‍ ശരവണന്‍ പറഞ്ഞതിനെ വിമര്‍ശിക്കാതെ നിസ്സാരവല്‍ക്കരിച്ചെന്നും സോഷ്യല്‍ മീഡിയയില്‍ അഭിപ്രായമുയരുന്നു.