LiveTV

Live

Entertainment

‘വീടും സ്ഥലവും ജപ്തി ഭീഷണിയിൽ, എങ്ങനെയെങ്കിലും സഹായിക്കണം മമ്മൂക്ക’; മമ്മൂട്ടിയുടെ ഫേസ്ബുക്കിലെ കമന്റിന് തുണയായി മമ്മൂട്ടി ഫാൻസ്‌

‘വീടും സ്ഥലവും ജപ്തി ഭീഷണിയിൽ, എങ്ങനെയെങ്കിലും സഹായിക്കണം മമ്മൂക്ക’; മമ്മൂട്ടിയുടെ ഫേസ്ബുക്കിലെ കമന്റിന് തുണയായി മമ്മൂട്ടി ഫാൻസ്‌

ഇന്നലെ രാവിലെയാണ് മമ്മൂട്ടി തന്റെ ഏറ്റവും പുതിയ ചിത്രം മധുരരാജയുടെ പോസ്റ്റർ ഫേസ്ബുക്കിൽ പങ്കുവെച്ചത്. ഒട്ടും വൈകാതെ തന്നെ കമന്റ്‌ സെക്ഷനിൽ പ്രേം കുമാർ എന്ന് പേരുള്ള ഒരാൾ ഒരു അഭ്യർത്ഥനയുമായി എത്തി. അസുഖ ബാധിതനായി കിടക്കുന്ന തനിക്ക് സാമ്പത്തിക സഹായ നല്‍കണമെന്നാവശ്യപ്പെട്ടാണ് പ്രേംകുമാര്‍ ഫേസ്ബുക്കിലെ മമ്മൂട്ടിയുടെ പേജില്‍ സഹായാഭ്യര്‍ത്ഥന നടത്തിയത്.

പുനലൂർ പത്തനാപുരം സ്വദേശി ആയ പ്രേം കുമാർ എഴുതുന്നു

ഞാൻ അസുഖ ബാധിതനായി നാലു വര്‍ഷമായി കിടപ്പിലാണ്. എന്റെ വീടും സ്ഥലവും ഇപ്പോൾ ജപ്തി ഭീഷണിയിൽ ആണ്.. എന്നെ എങ്ങനേലും സഹായിക്കണം മമ്മൂക്ക.

മമ്മൂട്ടിയുടെ മധുരരാജാ പോസ്റ്ററിനെ പിന്തുണയ്ക്കാൻ എത്തിയ ആരാധകർ പ്രേം കുമാറിന്റെ ഈ കമന്റ് കണ്ടതോടെ അത് പരമാവധി ആരാധകരുടെ ശ്രദ്ധയിൽപ്പെടുത്തുകയും ആരാധകരാൽ കഴിയുന്ന സഹായം പ്രേം കുമാറിന് എത്തിക്കണം എന്ന സന്ദേശം പകരുകയും ചെയ്തു. മമ്മൂട്ടിയുടെ ഓൺലൈൻ ആരാധകരുടെ കൂട്ടായ്മയായ OPU മധുരരാജക്ക് വേണ്ടി പ്ലാൻ ചെയ്ത ഡി.ജെ പ്രോഗ്രാം ക്യാൻസൽ ചെയ്യുകയും അതിന് വേണ്ടി മാറ്റിവച്ച തുക പ്രേം കുമാറിന് നൽകാൻ തീരുമാനിക്കുകയും ചെയ്തു. അവർ ആരാധകരിലേക്ക് ഈ വാർത്ത ഒരു കുറിപ്പായി അറിയിച്ചു. ഏകദേശം 48000 ഓളം രൂപയാണ് 62 പേരോളമടങ്ങിയ മമ്മൂട്ടിയുടെ വാട്ട്സ്ആപ്പ് ഓണ്‍ലൈന്‍ കൂട്ടായ്മ ഇതിനോടകം സമാഹരിച്ചത്. നിരവധി പേര്‍ ഫോണിലൂടെയും അല്ലാതെയും സഹായവാഗ്ദാനങ്ങളുമായി രംഗത്ത് വന്നിട്ടുണ്ട്.

മമ്മൂട്ടിയുടെ ഓൺലൈൻ ആരാധക ഓണ്‍ലൈന്‍ കൂട്ടായ്മയായ ഒ.പി.യുവിന്റെ ഫേസ്ബുക്ക് പോസ്റ്റ്

സുഹൃത്തുക്കളെ, ഇത് മുഴുവൻ നിങ്ങൾ വായിക്കണം,,...

ഈ വരുന്ന 12 ആം തീയതി റിലീസ് ആകുന്ന നാം എല്ലാം ആകാംക്ഷയോടെ കാത്തിരിക്കുന്ന മധുര രാജയുടെ റിലീസുമായി ബന്ധപെട്ട് ടീം OPU വും MFWAI പുനലൂർ ഏരിയ കമ്മിറ്റിയും ചേർന്ന് ഫാൻസ്‌ ഷോ നടത്തുന്ന വിവരം നിങ്ങൾ അറിഞ്ഞു കാണുമല്ലോ... ഈ ഫാൻസ്‌ ഷോയോട് അനുബന്ധിച്ചു 11 ആം തീയതി രാത്രി 8 മണിക്ക് ഞങ്ങൾ ഒരു DJ പ്രോഗ്രാമും നടത്താൻ തീരുമാനിച്ചിരുന്നു... ഇതിലേക്കായി ഏകദേശം 25000 രൂപയോളം ഞങ്ങൾ മാറ്റി വെച്ചിരുന്നു..പക്ഷെ ആ DJ പ്രോഗ്രാം തൽക്കാലത്തേക്ക് നടത്തണ്ടാ എന്നാണ് ഇപ്പൊ ഞങ്ങടെ തീരുമാനം... അതിനു കാരണം ഇന്ന് രാവിലെ മമ്മൂക്കയുടെ പോസ്റ്റിൽ കണ്ട പുനലൂർ പത്തനാപുരം സ്വദേശി ആയ പ്രേം കുമാർ എന്ന ഒരാളുടെ കമന്റ ആണ്... ഞാൻ അസുഖ ബാധിതനായി നാലു വര്‍ഷം ആയി കിടപ്പിലാണ്. എന്റെ വീടും സ്ഥലവും ഇപ്പോൾ ജപ്തി ഭീഷണിയിൽ ആണ്.. എന്നെ എങ്ങനേലും സഹായിക്കണം മമ്മൂക്ക എന്നായിരുന്നു ആ കമന്റ.ഈ കമന്റ ഞങ്ങളുടെ ശ്രേദ്ധയിൽ പെട്ടപ്പോൾ തന്നെ അതിനടിയിൽ അദ്ദേഹം എഴുതിയിരുന്ന നമ്പറിലേക്ക് ഞങ്ങൾ അദ്ദേഹത്തെ വിളിച്ചു കാര്യം തിരക്കി... അദ്ദേഹത്തിന്റെ ഭാര്യയുമായി സംസാരിച്ചു.. നാല് വര്ഷം മുൻപ് പ്രേം കുമാർ ഒരു മരത്തിൽ നിന്ന് വീഴുകയും അരക്ക് താഴോട്ട് തളന്നു കിടപ്പിലാവുകയും ചെയ്തു.. ചികിത്സക്കായി വീടും പുരയിടവും ബാങ്കിൽ പണയം വെക്കുകയും നാല് കൊല്ലമായി ഒരു തവണ പോലും പൈസ അടക്കാൻ നിർവാഹം ഇല്ലാതാവുകയും ചെയ്തു.. ഇപ്പോൾ പലിശ മാത്രം ഏകദേശം 1.25 ലക്ഷത്തോളം ആയി... പലിശ അടച്ചില്ലെങ്കില് വീട് ജെപ്തി ചെയ്യാൻ ആണ് ബാങ്കിന്റെ തീരുമാനമത്രെ,.. പ്രേംകുമാറിന് 2 ആം ക്ലാസിലും 5 ആം ക്ലാസ്സിലും പഠിക്കുന്ന 2 കുട്ടികൾ ആണ് ഉള്ളത്, വയസായ അച്ഛനും അമ്മയും പ്രെകുമാറിനോടൊപ്പം ആണ്.. ഒരു കുടുബം മുഴുവൻ വയ്യാത്ത ഒരാളുമായി തെരുവിലേക്ക് ഇറങ്ങാൻ പോകുമ്പോ നമ്മൾ തൊട്ടടുത്തു DJ ആഘോഷവും ആയി മമ്മൂക്കയുടെ പടത്തെ വരവേൽക്കുന്നത് ശെരിയല്ല എന്ന് ഞങ്ങൾക്ക് തോന്നി.. അത് കൊണ്ട് ആ പരിപാടി ഉപേക്ഷിച്ചു പരിപാടിക്കായി മാറ്റി വെച്ച 25000 രൂപ പ്രേംകുമാർന്റെ കുടുംബത്തിലേക്ക് കൊടുക്കുവാൻ ഞങ്ങൾ തീരുമാനിച്ചിരിക്കുന്നു... ഇത് കൊണ്ട് ആർക്കെകങ്കിലും എന്തെങ്കിലും ബുദ്ധിമുട്ട് ഉണ്ടായെങ്കിൽ അവരോട് ഞങ്ങൾ ക്ഷമ ചോദിക്കുന്നു,.... ഈ മുടങ്ങിയ DJ പ്രോഗ്രാമിന് പകരമായി ഇതിലും വമ്പൻ പരിപാടി അടുത്ത മമ്മൂക്ക പടത്തിനായി ഞങ്ങൾ നിങ്ങൾക്കായി ഒരുക്കും എന്ന് വാക്ക് തരുന്നു,,... എല്ലാവരും ഞങ്ങളോട് സഹകരിക്കുക,....!