LiveTV

Live

Entertainment

പൂര്‍ണ്ണമായും മൊബെെലില്‍ ചിത്രീകരിച്ച ‘അടടേ’; ട്രെയ്ലര്‍ പുറത്തിറങ്ങി

സംവിധാനത്തിന് പുറെമ തിരക്കഥ, ചിത്രസംയോജനം, ശബ്ദമിശ്രണം, ഗാനരചന എന്നിവ നിർവഹിച്ചതും കമാൽ സരോമുനിയാണ്

പൂര്‍ണ്ണമായും മൊബെെലില്‍ ചിത്രീകരിച്ച ‘അടടേ’; ട്രെയ്ലര്‍ പുറത്തിറങ്ങി

പുതുമുഖ സംവിധായകൻ കമാൽ സരോമുനി തന്റെ ആദ്യ ചിത്രത്തിലൂടെ തന്നെ നടന്നു കയറിയത് ചരിത്രത്തിലേക്കാണ്. കാരണം തന്റെ ആദ്യ ചിത്രമായ ‘അടടേ’ എന്ന തമിഴ് സിനിമ പൂർണ്ണമായും ചിത്രീകരിച്ചിരിക്കുന്നത് മൊബെെൽ ഫോണിലാണ്. പൂർണ്ണമായും മൊബെെൽ ഫോണിലൂടെ ചിത്രീകരിച്ചിരികുന്ന ആദ്യ തമിഴ് ഫീച്ചർ സിനിമയാണ് അടടേ എന്നാണ് അണിയറപ്രവർത്തകർ പറയുന്നത്. വിദേശ ഭാഷകളിൽ ഇത്തരിത്തിൽ സിനിമകൾ ചെയ്തിട്ടുണ്ടങ്കിലും ഇന്ത്യയിലിത് അപൂര്‍വമാണെന്ന് കമാൽ സരോമുനി പറയുന്നു.

ഹോളിവുഡ് സംവിധായകൻ സ്റ്റീവൻ സോഡെർബർഗ് തന്റെ അൺസെയിൻ, ഹെെ ഫ്ലയിംഗ് ബേർഡ് എന്നീ ചിത്രങ്ങൾ മൊബെെൽ ഫോണിൽ ചിത്രീകരിച്ചിരുന്നു. ഇതിന് മുൻപും ഇത്തരം ചിത്രങ്ങൾ ഇറങ്ങിയിട്ടുണ്ടെങ്കിലും, ഇന്ത്യയിൽ ആദ്യമായാണെന്നാണ് കമാൽ കാരോമുനി അവകാശപ്പെടുന്നത്. സാമ്പത്തിക ബുദ്ധിമുട്ടുകൾ കൊണ്ട് തന്നെയാണ് സിനിമ മൊബെെൽ ഫോണിൽ ചിത്രീകരിക്കാൻ കാരണമെന്ന് പറഞ്ഞ സരോമുനി, സ്വാഭാവിക ലെെറ്റിംഗ് ഉപയോഗിച്ച് തന്നെ സിനിമ പൂർത്തിയാക്കിയെന്നും പറഞ്ഞു.

സംവിധാനത്തിന് പുറെമ തിരക്കഥ, ചിത്രസംയോജനം, ശബ്ദമിശ്രണം,
ഗാനരചന എന്നിവ നിർവഹിച്ചതും കമാൽ സരോമുനി തന്നെയാണ്. നായികമാരില്ലാത്ത ചിത്രമെന്ന പ്രത്യേകതയുമുണ്ട് ഈ ചിത്രത്തിന്. ചിത്രത്തിന്റെ ട്രെയ്ലര്‍ കഴിഞ്ഞ ദിവസം റിലീസ് ചെയ്തിരുന്നു.