LiveTV

Live

Entertainment

‘ഒടുവില്‍ അര്‍ബുദത്തിനെതിരായ പോരാട്ടത്തില്‍ വിജയിച്ചിരിക്കുന്നു, എല്ലാവര്‍ക്കും നന്ദി’

ഇമ്രാന്റെയും പർവീൻ ഷഹാനിയുടെയും മകൻ അയാൻ ഹാഷ്മിക്ക് മൂന്നാമത്തെ വയസ്സിലാണ് അപൂർവ തരം അർബുദം സ്ഥിരീകരിച്ചത്

‘ഒടുവില്‍ അര്‍ബുദത്തിനെതിരായ പോരാട്ടത്തില്‍ വിജയിച്ചിരിക്കുന്നു, എല്ലാവര്‍ക്കും നന്ദി’

ബോളിവുഡ് താരം ഇമ്രാൻ ഹാഷ്മി ഇന്ന് ഏറെ സന്തോഷവാനാണ്. കാരണം മറ്റൊന്നുമല്ല, തന്റെ മകൻ അയാൻ ഹാഷ്മി അർബുദ രോഗത്തിൽ നിന്നും ഇപ്പോള്‍ പൂർണ്ണമായും മുക്തനായിരിക്കുന്നു. താരം തന്നെയാണ് ഇതു സംബന്ധിച്ച ചിത്രം സമൂഹ മാധ്യമങ്ങളിൽ പങ്കുവെച്ചത്.

ഇമ്രാന്റെയും പർവീൻ ഷഹാനിയുടെയും മകൻ അയാൻ ഹാഷ്മിക്ക് മൂന്നാമത്തെ വയസ്സിലാണ് അപൂർവ തരം അർബുദം സ്ഥിരീകരിച്ചത്. തുടർന്ന് നീണ്ട അഞ്ചു വർഷം ഇന്ത്യയിലും വിദേശത്തുമായി ഇതിനായുള്ള ചികിത്സയിലായിരുന്നു കുടുംബം. മകന് ക്യാൻസറാണെന്ന് തിരിച്ചറിഞ്ഞ ദിവസം താൻ ഏറെ തകർന്നു പോയതായി നേരത്തെ ഇമ്രാൻ ഹാഷ്മി വ്യക്തമാക്കുകയുണ്ടായി. മകന്റെ ക്യാൻസറുമായുള്ള പോരാട്ടത്തെ കുറിച്ച് ‘ദ കിസ്സ് ഓഫ് ലവ്’ എന്ന പുസ്തകവും ഇമ്രാൻ പുറത്തിറക്കി. അർബുദ രോഗികൾക്ക് കരുത്തേകാൻ ഉദ്ദേശിച്ചുള്ള പുസ്തകം ബോളിവുഡിൽ ഏറെ ചർച്ച ചെയ്യപ്പെടുകയുണ്ടായി.

‘ഒടുവില്‍ അര്‍ബുദത്തിനെതിരായ പോരാട്ടത്തില്‍ വിജയിച്ചിരിക്കുന്നു, എല്ലാവര്‍ക്കും നന്ദി’

വലിയൊരു യാത്രയായിരുന്നു അത്. ക്യാൻസർ സ്ഥിരീകരിച്ച് അഞ്ചു വർഷങ്ങൾക്കിപ്പുറം അയാൻ രോഗ വിമുക്തി നേടിയിരിക്കുന്നു. എല്ലാവരുടെയും പ്രാർഥനകൾക്കും സ്നേഹത്തിനും നന്ദി അറിയിക്കുന്നു. അർബുദത്തിനെതിരെ പോരാടുന്ന എല്ലാവർക്കും എന്റെ സ്നേഹവും പ്രാർഥനയുമുണ്ട്. ഈ പോരാട്ടം നിങ്ങൾ വിജയിക്കുക തന്നെ ചെയ്യുമെന്ന് മകനോടൊപ്പം പോസ്റ്റ് ചെയ്ത ചിത്രത്തോടൊപ്പം ഇമ്രാൻ കുറിച്ചു.