LiveTV

Live

Entertainment

മോനേ ഉണ്ണി മുകുന്ദാ: ടൊവിനോയെ ഞെട്ടിച്ച ആരാധികയുടെ കഥ കാർട്ടൂണായി

മായാനദിയുടെ ഷൂട്ടിംഗ് സമയത്ത് കൊച്ചിയിൽ നിന്നും ചെന്നൈയിലേക്ക് പോവാൻ എയർപോർട്ടിൽ എത്തിയതായിരുന്നു ടൊവിനോ..

മോനേ ഉണ്ണി മുകുന്ദാ: ടൊവിനോയെ ഞെട്ടിച്ച ആരാധികയുടെ കഥ കാർട്ടൂണായി

ഉസ്താദ് ഹോട്ടലില്‍ ഫൈസിയുടെ ഹോട്ടല്‍ ഉദ്ഘാടനം ചെയ്യാന്‍ വന്ന ആസിഫ് അലിയെ കണ്ട് മാമുക്കോയ കുഞ്ചാക്കോ ബോബനല്ലേ എന്നു ചോദിക്കുന്ന രംഗമുണ്ട്. ഏറെ ചിരിയുണര്‍ത്തിയ ആ രംഗം ആരും മറക്കാനിടയില്ല. അത്തരമൊരു പറ്റ് നമ്മുടെ ടൊവിനോ തോമസിനും പറ്റി. ടൊവിനോയുടെ ആ അനുഭവം പിന്നീട് കാര്‍ട്ടൂണാവുകയും ചെയ്തു. ഒരു സ്വകാര്യ ചാനലിന് നല്‍കിയ അഭിമുഖത്തിലായിരുന്നു ആളു മാറി ആരാധിക പരിചയപ്പെട്ട കാര്യം ടൊവിനോ പങ്കുവച്ചത്.

“മായാനദിയുടെ ഷൂട്ടിംഗ് സമയത്ത് കൊച്ചിയിൽ നിന്നും ചെന്നൈയിലേക്ക് പോവാൻ എയർപോർട്ടിൽ എത്തിയതായിരുന്നു ഞാൻ. ദുൽഖർ സൽമാനും അതേ ഫ്ളൈറ്റിൽ ചെന്നെയിലേക്ക് പോവാൻ അവിടെ എത്തിയിരുന്നു. ഞങ്ങൾ തമ്മിൽ സംസാരിച്ചു കൊണ്ടിരിക്കുമ്പോഴാണ് ഒരു മുതിർന്ന സ്ത്രീ അടുത്തുള്ളവരെയൊക്കെ തള്ളിമാറ്റി കൊണ്ട് ഞങ്ങളുടെ അടുത്തേക്ക് ഓടി വന്നത്. ഞാൻ ഓർത്തു, ദുൽഖറിനെ കാണാൻ വരുവായിരിക്കും.

മോനേ ഉണ്ണി മുകുന്ദാ: ടൊവിനോയെ ഞെട്ടിച്ച ആരാധികയുടെ കഥ കാർട്ടൂണായി

ചുമ്മാ ഈഗോ അടിക്കണമല്ലോ എന്നൊക്കെ ആലോചിച്ചോണ്ടിരിക്കുമ്പോഴാണ് അവർ ദുൽഖറിനെയും പാസ് ചെയ്ത് എന്റെ അടുത്തേക്ക് വന്ന് കെട്ടിപ്പിടിക്കുന്നത്. ഞാൻ ഞെട്ടിപോയി. ഞാൻ ദുൽഖറിന് ഒപ്പം നിൽക്കുമ്പോൾ ആരെങ്കിലും എന്നെ ശ്രദ്ധിക്കുമെന്ന് ഞാൻ കരുതിയിരുന്നില്ല. ആദ്യത്തെ ഞെട്ടൽ മാറിയപ്പോൾ എനിക്ക് സന്തോഷം തോന്നി.

മോനേ ഉണ്ണി മുകുന്ദാ: ടൊവിനോയെ ഞെട്ടിച്ച ആരാധികയുടെ കഥ കാർട്ടൂണായി

ആ സന്തോഷത്തിൽ അങ്ങനെ നിൽക്കുമ്പോഴാണ് ആ സ്ത്രീ സ്നേഹത്തോടെ വിളിക്കുന്നത്, “മോനേ ഉണ്ണിമുകുന്ദാ.” അതുകേട്ട് ദുൽഖർ പൊട്ടിച്ചിരിക്കാൻ തുടങ്ങി. എന്റെ സകല സന്തോഷവും ആത്മവിശ്വാസവുമൊക്കെ പോയി. പക്ഷേ ഞാനവരെ തിരുത്താൻ ഒന്നും പോയില്ല. ടൊവിനോ തോമസ് എന്നു പറഞ്ഞാൽ അവർക്ക് അറിയില്ലെങ്കിൽ ഞാനെന്തുചെയ്യും? ഇതായിരുന്നു ആ രസകരമായ സംഭവം.

മോനേ ഉണ്ണി മുകുന്ദാ: ടൊവിനോയെ ഞെട്ടിച്ച ആരാധികയുടെ കഥ കാർട്ടൂണായി

ടൊവിനോയുടെ ഈ ചമ്മൽ നിമിഷത്തെ മനോഹരമായൊരു കാർട്ടൂണാക്കി മാറ്റിയിരിക്കുകയാണ് താരത്തിന്റെ ആരാധകൻ ഇപ്പോൾ. ടൊവിനോ തന്നെയാണ് ഷമിൽ എന്ന ആർട്ടിസ്റ്റ് വരച്ച കാർട്ടൂൺ തന്റെ ഇൻസ്റ്റഗ്രാമിൽ ഷെയർ ചെയ്തിരിക്കുന്നത്.

Also read: പുതുവര്‍ഷത്തില്‍ പുതിയ ചിത്രവുമായി ടൊവിനോ

Also read: കാലിലെ മസില്‍ കണ്ട് നീരു വന്നതാണോ എന്ന് ആരാധകന്‍; കമന്റിട്ടയാള്‍ക്ക് കലക്കന്‍ മറുപടിയുമായി ടൊവിനോ

Also read: ‘തീവണ്ടി’ ഹിറ്റായിരുന്നില്ലെങ്കില്‍ ഇതു പോലെ തീവണ്ടിയില്‍ പാടി ജീവിക്കേണ്ടി വന്നേനെ; പര്‍ദേസി പാട്ട് പാടി ടൊവിനോ