LiveTV

Live

Cricket

അഞ്ച് തവണയും കോവിഡ് പോസിറ്റീവ്; പാക് പേസറിന് ഒടുവില്‍ ഫലം നെഗറ്റീവായി

കോവിഡ് പ്രോട്ടോക്കോള്‍ പ്രകാരം തുടരെ രണ്ട് വട്ടം കോവിഡ് പരിശോധനാഫലം നെഗറ്റീവ് ആയാല്‍ മാത്രമാണ് ടീമിനൊപ്പം ചേരാനാവുക

അഞ്ച് തവണയും കോവിഡ് പോസിറ്റീവ്; പാക് പേസറിന് ഒടുവില്‍ ഫലം നെഗറ്റീവായി

പാകിസ്താന്‍ പേസര്‍ ഹാരിസ് റൗഫ് കോവിഡ് മുക്തനായി. ഇംഗ്ലണ്ടിനെതിരായ പാകിസ്താന്‍ ടീമിനൊപ്പം റൗഫ് ഉടന്‍ ചേരും. നേരത്തെ അഞ്ച് വട്ടം കോവിഡ് പരിശോധന നടത്തിയപ്പോഴും ഹാരിസിന്റെ കോവിഡ് ഫലം പോസിറ്റീവായിരുന്നു.

ഇംഗ്ലണ്ട് പര്യടനത്തിനുള്ള പാകിസ്താന്‍റെ 29 അംഗ സംഘത്തില്‍ ഹാരിസ് ഭാഗമായിരുന്നു. എന്നാല്‍ കോവിഡ് പരിശോധനാ ഫലം പോസിറ്റീവായി തുടര്‍ന്നതോടെ ഹാരിസിന് രാജ്യം വിട്ട് പോവാനായില്ല. കോവിഡ് പ്രോട്ടോക്കോള്‍ പ്രകാരം തുടരെ രണ്ട് വട്ടം കോവിഡ് പരിശോധനാഫലം നെഗറ്റീവ് ആയാല്‍ മാത്രമാണ് ടീമിനൊപ്പം ചേരാനാവുക.

ഹാരിസിന്റെ കോവിഡ് ഫലം പോസിറ്റീവായി തുടര്‍ന്നതോടെ പേസര്‍ മുഹമ്മദ് അമീറിനെ പാകിസ്താന്‍ ബാക്ക് അപ്പായി ടീമില്‍ ഉള്‍പ്പെടുത്തി. എന്നാല്‍ കോവിഡ് നെഗറ്റീവായതോടെ ഹാരിസ് പാകിസ്താന്‍ ടീമിനൊപ്പം ചേരും. ഇംഗ്ലണ്ട് പര്യടനത്തിനുള്ള 20 അംഗ സംഘത്തെ പാകിസ്താന്‍ പ്രഖ്യാപിച്ചിരുന്നു. ആഗസ്റ്റ് 28ന് ആരംഭിക്കുന്ന ട്വന്റി20യില്‍ ഹാരിസ് ടീമിനൊപ്പം ചേരും.