LiveTV

Live

Cricket

എല്ലാ പരമ്പരയിലും ഒരു പകല്‍ രാത്രി ടെസ്റ്റ് വേണമെന്ന് ഗാംഗുലി

കൊല്‍ക്കത്ത പകല്‍ രാത്രി ടെസ്റ്റിന്റെ വന്‍ ജനപങ്കാളിത്തം കൂടുതല്‍ പകല്‍ രാത്രി ടെസ്റ്റുകള്‍ നടത്താനുള്ള ഊര്‍ജ്ജമാക്കി മാറ്റുകയാണ് സൗരവ് ഗാംഗുലി 

എല്ലാ പരമ്പരയിലും ഒരു പകല്‍ രാത്രി ടെസ്റ്റ് വേണമെന്ന് ഗാംഗുലി

കാണികളുടെ പങ്കാളിത്തം കൊണ്ട് വന്‍ വിജയമായ കൊല്‍ക്കത്തയിലെ ആദ്യ പകല്‍ രാത്രി ടെസ്റ്റിന്റെ അനുഭവത്തില്‍ കൂടുതല്‍ പകല്‍ രാത്രി ടെസ്റ്റുകള്‍ ഇന്ത്യ കളിച്ചേക്കും. ഇന്ത്യയുടെ ആദ്യ പകല്‍ രാത്രി ടെസ്റ്റിന് ചുക്കാന്‍ പിടിച്ച ബി.സി.സി.ഐ പ്രസിഡന്റ് സൗരവ് ഗാംഗുലി തന്നെയാണ് പകല്‍ രാത്രി ടെസ്റ്റുകള്‍ വ്യാപിപ്പിക്കുന്നതിനും ശ്രമിക്കുന്നത്. ഓരോ ടെസ്റ്റ് പരമ്പരയിലും കുറഞ്ഞത് ഒരു പകല്‍ രാത്രി ടെസ്റ്റെങ്കിലും വേണമെന്നാണ് ഗാംഗുലിയുടെ നിലപാട്.

എല്ലാ പരമ്പരയിലും ഒരു പകല്‍ രാത്രി ടെസ്റ്റ് വേണമെന്ന് ഗാംഗുലിഅരലക്ഷത്തോളം പേരാണ് ഈഡന്‍ ഗാര്‍ഡനില്‍ നടന്ന ചരിത്രപരമായ പിങ്ക് ബോള്‍ പകല്‍ രാത്രി ടെസ്റ്റ് കാണാനെത്തിയത്. പകല്‍ രാത്രി മത്സരങ്ങള്‍ ടെസ്റ്റുകളുടെ ജനപ്രീതി വര്‍ധിപ്പിക്കുമെന്ന വാദത്തിന് കരുത്തു പകരുന്നതായിരുന്നു കൊല്‍ക്കത്ത ടെസ്റ്റിന്റെ വിജയം. പകല്‍ രാത്രി ടെസ്റ്റുകളെ മറ്റു രാജ്യങ്ങള്‍ സ്വീകരിച്ചപ്പോഴും ഇന്ത്യയും ബി.സി.സി.ഐയും എതിര്‍പ്പ് തുടരുകയായിരുന്നു. പിന്നീട് ഗാംഗുലി ബി.സി.സി.ഐ പ്രസിഡന്റായതോടെയാണ് ഇന്ത്യ ആദ്യ പകല്‍ രാത്രി ടെസ്റ്റ് കളിക്കാന്‍ കളമൊരുങ്ങിയത്.

എല്ലാ പരമ്പരയിലും ഒരു പകല്‍ രാത്രി ടെസ്റ്റ് വേണമെന്ന് ഗാംഗുലി

എല്ലാ ടെസ്റ്റും പകല്‍ രാത്രിയാക്കുന്നതിനോട് എതിര്‍പ്പുണ്ടെങ്കിലും പരമ്പരയിലെ ഒരു ടെസ്റ്റ് പകല്‍ രാത്രിയാക്കുന്നതിനോട് ഇന്ത്യന്‍ ക്യാപ്റ്റന്‍ വിരാട് കോഹ്‌ലിക്കും എതിര്‍പ്പുണ്ടാകില്ല. ഈ സാഹചര്യത്തില്‍ ഇന്ത്യയില്‍ നടക്കാനിരിക്കുന്ന ടെസ്റ്റ് പരമ്പരകളില്‍ കൂടുതല്‍ പകല്‍ രാത്രി ടെസ്റ്റുകള്‍ക്ക് സാധ്യത കൂടുകയാണ്.

'കൊല്‍ക്കത്ത ടെസ്റ്റിന്റെ വിജയത്തോടെ ഇതാണ് വഴിയെന്നാണ് തോന്നുന്നത്. എല്ലാ ടെസ്റ്റുമല്ല മറിച്ച് പരമ്പരയിലെ ഒരു ടെസ്റ്റെങ്കിലും പകല്‍ രാത്രിയായി നടത്തണം' ഗാംഗുലി പറഞ്ഞു. കൊല്‍ക്കത്തയില്‍ നടന്ന ആദ്യ പകല്‍ രാത്രി ടെസ്റ്റിന് മുമ്പ് വലിയ തോതില്‍ പ്രചാരം ബി.സി.സി.ഐ നല്‍കിയിരുന്നു. ഇന്ത്യയിലെ ടെസ്റ്റുകളുടെ സമീപകാല ചരിത്രത്തിലെ ഏറ്റവും വലിയ ജനക്കൂട്ടമാണ് ഈഡന്‍ഗാര്‍ഡനില്‍ ബംഗ്ലാദേശിനെതിരായ ചരിത്ര ടെസ്റ്റ് കാണാനെത്തിയത്.

പകല്‍ രാത്രി ടെസ്റ്റ്, പിങ്ക് പന്ത്, ടെസ്റ്റ് കാണാന്‍ ഈഡന്‍ നിറയെ കാണികള്‍... ഇത് ദാദയുടെ തിരിച്ചുവരവ്
Also Read

പകല്‍ രാത്രി ടെസ്റ്റ്, പിങ്ക് പന്ത്, ടെസ്റ്റ് കാണാന്‍ ഈഡന്‍ നിറയെ കാണികള്‍... ഇത് ദാദയുടെ തിരിച്ചുവരവ്

'ആദ്യ പകല്‍ രാത്രി ടെസ്റ്റിന്റെ അനുഭവങ്ങള്‍ ബി.സി.സി.ഐയിലും കീഴിലെ മറ്റ് അസോസിയേഷനുകളിലും പങ്കുവെക്കും. എവിടെയെല്ലാം പകല്‍ രാത്രി ടെസ്റ്റ് മത്സരങ്ങള്‍ നടത്താന്‍ കഴിയുമെന്നും പരിശോധിക്കും. അയ്യായിരം കാണികള്‍ക്ക് മുമ്പില്‍ ടെസ്റ്റ് കളിക്കാന്‍ അല്ലെങ്കിലും ആര്‍ക്കാണ് ആവേശമുണ്ടാവുക' ഗാംഗുലി പറഞ്ഞു നിര്‍ത്തുന്നു.

നഷ്ടപ്പെട്ടുകൊണ്ടിരിക്കുന്ന ടെസ്റ്റ് ക്രിക്കറ്റിന്റെ ജനപ്രീതി തിരികെ കൊണ്ടുവരാനുള്ള പ്രധാനമാര്‍ഗമായാണ് പകല്‍ രാത്രി ടെസ്റ്റ് അവതരിപ്പിക്കപ്പെട്ടത്. വലിയൊരുവിഭാഗം പിന്തുണക്കുമ്പോഴും പരമ്പരാഗത രീതിയാണ് ടെസ്റ്റിന് നല്ലതെന്ന് കരുതുന്നവരുണ്ട്. ക്രിക്കറ്റിനെ ഗൗരവത്തോടെ കാണുന്ന കാണികള്‍ പകല്‍ ടെസ്റ്റുകള്‍ കാണാനുമെത്തുമെന്നാണ് ഇവരുടെ വാദം. എന്നാല്‍ കൂടുതല്‍ കാണികളെ ആകര്‍ഷിക്കുമെന്നതുകൊണ്ടു തന്നെ പകല്‍ രാത്രി മത്സരങ്ങളുടെ എണ്ണം ഭാവിയില്‍ വര്‍ധിക്കാനാണ് സാധ്യത.