LiveTV

Live

Cricket

റിക്കി പോണ്ടിങിന്റെ ആ റെക്കോര്‍ഡും കോഹ്‌ലി തകര്‍ത്തു  

ആസ്‌ട്രേലിയക്കെതിരായ നാഗ്പൂര്‍ ഏകദിനത്തില്‍ കരിയറിലെ 40ാം സെഞ്ച്വറിയാണ് കോഹ്‌ലി കണ്ടെത്തിയത്

റിക്കി പോണ്ടിങിന്റെ ആ റെക്കോര്‍ഡും കോഹ്‌ലി തകര്‍ത്തു  

പതിവ് പോലെ ഇന്ത്യന്‍ നായകന്‍ വിരാട് കോഹ്‌ലി സെഞ്ച്വറിയടിച്ചു. ആസ്‌ട്രേലിയക്കെതിരായ നാഗ്പൂര്‍ ഏകദിനത്തില്‍ കരിയറിലെ 40ാം സെഞ്ച്വറിയാണ് കോഹ്‌ലി കണ്ടെത്തിയത്. ഇന്നത്തെ സെഞ്ച്വറിക്കൊരു പ്രത്യേകതയുണ്ട്, ടീം കൂട്ടത്തകര്‍ച്ച നേരിട്ടപ്പോഴായിരുന്നു കോഹ്‌ലിയില്‍ നിന്നൊരു മനോഹരമായൊരു ഇന്നിങ്‌സ്. എന്നാല്‍ ഇത്തരത്തിലൊന്ന് ആദ്യത്തേത് അല്ലെന്ന് മാത്രം.

പക്ഷേ സെഞ്ച്വറി റെക്കോര്‍ഡിന് പുറമെ കോഹ്‌ലി മറ്റൊരു റെക്കോര്‍ഡും സ്വന്തം പേരിലാക്കി. ക്യാപ്റ്റന്‍ എന്ന നിലയില്‍ അതിവേഗത്തില്‍ 9000 റണ്‍സ് നേടുന്ന താരം എന്ന റെക്കോര്‍ഡാണ് ഇന്നത്തെ മത്സരത്തില്‍ കോഹ്‌ലി സ്വന്തം പേരിലാക്കിയത്. തകര്‍ത്തത് ആസ്‌ട്രേലിയന്‍ നായകന്‍ റിക്കിപോണ്ടിങിനെ. പോണ്ടിങിന്റെ പേരിലായിരുന്നു ഈ റെക്കോര്‍ഡ്. 22 റണ്‍സ് കൂടി കൂട്ടിച്ചേര്‍ത്താണ് കോഹ്ലി റെക്കോര്‍ഡ് നേട്ടം കൈവരിച്ചത്.

പോണ്ടിങ് 203 ഇന്നിങ്‌സുകളില്‍ നിന്നാണ് 9000 റണ്‍സ് തികച്ചതെങ്കില്‍ കോഹ്‌ലിക്ക് വേണ്ടി വന്നത് വെറും 159 ഇന്നിങ്‌സുകള്‍. ക്യാപ്റ്റനെന്ന നിലയില്‍ 9000 റണ്‍സ് തികയ്ക്കുന്ന ആറാമത്തെ താരമാണ് കോഹ്‌ലി. ഗ്രെയിം സ്മിത്ത്, എം.എസ് ധോണി, അലന്‍ ബോര്‍ഡര്‍, സ്റ്റീഫന്‍ ഫ്‌ളെമിങ് എന്നിവരാണ് ഈ നേട്ടം കൈവരിച്ചവര്‍.