LiveTV

Live

Cricket

ഉമേഷിന്റെ ഏറില്‍ കേരളം106ന് പുറത്ത്; വിദര്‍ഭക്ക് ലീഡ് 

ടോസ് നഷ്ടപ്പെട്ട് ബാറ്റിംങിനിറങ്ങിയ കേരളം 28.4 ഓവറില്‍ വെറും 106 റണ്‍സില്‍ ഓള്‍ ഔട്ടായി

ഉമേഷിന്റെ ഏറില്‍ കേരളം106ന് പുറത്ത്; വിദര്‍ഭക്ക് ലീഡ് 

രഞ്ജി ട്രോഫി സെമി ഫൈനലില്‍ വിദര്‍ഭക്കെതിരെ കേരളം 106ന് പുറത്ത്. മറുപടി ബാറ്റിങില്‍ വിദര്‍ഭ ലീഡ് നേടി. ഒന്നാം ദിനം കളി അവസാനിക്കുമ്പോള്‍ വിദര്‍ഭ അഞ്ചിന് 171 എന്ന നിലയിലാണ്. അവര്‍ക്കിപ്പോള്‍ 65 റണ്‍സ് ലീഡായി. സന്ദീപ് വാരിയര്‍, നിതീഷ് എം.ഡി എന്നിവര്‍ രണ്ട് വിക്കറ്റ് വീഴ്ത്തിയപ്പോള്‍ ബേസില്‍ തമ്പി ഒരു വിക്കറ്റും സ്വന്തമാക്കി. വന്‍തോക്കുകളായ ഫായിസ് ഫസല്‍(75) വസിം ജാഫര്‍(34) എന്നിവര്‍ പുറത്തായത് കേരളത്തിന് ആശ്വാസമാണ്. നാളെ 200 റണ്‍സിനുള്ളില്‍ വിദര്‍ഭയെ ഒതുക്കാന്‍ കഴിഞ്ഞാല്‍ കേരളത്തിന് പ്രതീക്ഷയെങ്കിലും വെക്കാം. അല്ലാത്ത പക്ഷം കളി കൈവിടും.

ഉമേഷിന്റെ ഏറില്‍ കേരളം106ന് പുറത്ത്; വിദര്‍ഭക്ക് ലീഡ് 

ഏഴ് വിക്കറ്റ് വീഴ്ത്തിയ ഉമേഷ് യാദവാണ് കേരളത്തെ നിലയുറപ്പിക്കും മുമ്പേ തകര്‍ത്തത്. ടോസ് നഷ്ടപ്പെട്ട് ബാറ്റിംങിനിറങ്ങിയ കേരളം 28.4 ഓവറില്‍ വെറും 106 റണ്‍സിന് പുറത്താവുകയായിരുന്നു. പേസര്‍മാരുടെ പറുദീസയൊരുക്കി വിദര്‍ഭയെ വീഴ്ത്താമെന്ന മോഹം ടോസ് നഷ്ടപ്പെട്ടതോടെ തന്നെ അസ്ഥാനത്തായി. പിന്നാലെ ഉമേഷ് യാദവ് തനിസ്വരൂപം കാണിച്ചതോടെ കേരളത്തിന്റെ ബാറ്റ്‌സ്മാന്മാര്‍ വന്നതിനേക്കാള്‍ വേഗത്തില്‍ പവലിയനിലേക്ക് മടങ്ങി. മുഹമ്മദ് അസ്ഹറുദീന്‍(8), സിജോമോന്‍ ജോസഫ്(0), വിനൂപ് മനോഹരന്‍(0), അരുണ്‍ കാര്‍ത്തിക്(4), ജലജ് സക്‌സേന(7), ബേസില്‍ തമ്പി(10), സന്ദീപ് വാര്യര്‍(0) എന്നിവരാണ് ഉമേഷിന് ഇരയായത്. ഏഴ് വിക്കറ്റ് വീഴ്ത്തിയ ഉമേഷിന് പുറമേ വിദര്‍ഭക്കുവേണ്ടി രജ്‌നീഷ് ഗുര്‍ബാനി മൂന്ന് വിക്കറ്റ് നേടി.

കേരള നിരയില്‍ ക്യാപ്റ്റന്‍ സച്ചിന്‍ ബേബിയും(22) വിഷ്ണു വിനോദും(37*) മാത്രമാണ് പിടിച്ചു നില്‍ക്കുകയെങ്കിലും ചെയ്തത്. വിഷ്ണു വിനോദ് വാലറ്റത്ത് നടത്തിയ രക്ഷാപ്രവര്‍ത്തനത്തിലൂടെയായിരുന്നു കേരളത്തിന്റെ സ്‌കോര്‍ മൂന്നക്കം കടന്നത്. ഒടുവില്‍ ആദ്യ സെഷന് അവസാനമാകും മുമ്പേ കേരളത്തിന്റെ ആദ്യ ഇന്നിംങ്സിന് തിരശ്ശീല വീഴുകയും ചെയ്തു.