LiveTV

Live

Opinion

ആന കുത്താൻ വന്നാലെന്തു ചെയ്യും? ചെയ്യാനുള്ളത് അതിനു മുമ്പാണ്‌

നല്ല കായികശേഷിയും ചാടാനും മറിയാനും മരം കയറാനും നിങ്ങൾക്ക് പറ്റുമായിരിക്കാം; എന്നാല്‍ ആനക്ക് അക്കാര്യം അറിയണമെന്നില്ല!

ആന കുത്താൻ വന്നാലെന്തു ചെയ്യും? ചെയ്യാനുള്ളത് അതിനു മുമ്പാണ്‌

ആനയുടെ ആക്രമണത്തിൽ നിന്ന് എങ്ങിനെ രക്ഷനേടാം.

1. കുത്തനെയുള്ള മലയിലേക്ക് ഓടിക്കയറുക.

2. zig zag - ൽ അതായത് വെട്ടിത്തിരിഞ്ഞ് ഓടുക

3. മരത്തിൽ ഓടിക്കയറുക

4. കുത്തനെ താഴേക്ക് ഓടുക.

5. മരം ചുറ്റുക.

6. കുപ്പായം ഊരി ആനക്ക് മുന്നിലേക്ക് വലിച്ചെറിയുക.

7. സധൈര്യം നെഞ്ചുവിരിച്ച് കൈ ഉയർത്തി നിൽക്കുക.

ഈ ലിസ്റ്റ് അപൂർണ്ണമാണ്. ഇനിയും പല വഴികളും പലരും നിങ്ങൾക്ക് പറഞ്ഞു തന്നു കാണും.

സത്യം പറയട്ടെ; ഇതൊന്നും ആനയിൽ നിന്ന് നിങ്ങളുടെ ജീവൻ രക്ഷിക്കുകയില്ല. മാത്രമല്ല, ഈ വഴികൾ പയറ്റി പലരും കാലപുരിയണഞ്ഞിട്ടുമുണ്ട്!. അടുത്തിടെ ആനയാക്രമണങ്ങളില്‍ ദാരുണാന്ത്യങ്ങൾ കൂടിയപ്പോൾ പലരും ചോദിച്ചതാണ്; എങ്ങിനെയാണ് രക്ഷപ്പെടാനുള്ള വഴി ?

ഒരു വഴിയും ഇല്ലന്നതാണ് വലിയ സത്യം!

ഒന്നാമതായി നമ്മൾ അറിയേണ്ടത് ആന ഒരു വന്യജീവിയാണ് എന്നതാണ്. പൂരപ്പറമ്പിൽ കണ്ട പരിചയത്തിൽ അതിനെ സമീപിക്കാൻ പാടില്ല എന്നതാണ്. താഴെ പറയുന്നത് ഇഷ്ടപ്പെട്ടില്ലെങ്കിലും അതാണ് സത്യം. ആ കാര്യം മനസ്സിലുണ്ടെങ്കില്‍ നന്ന്.

ആന കുത്താൻ വന്നാലെന്തു ചെയ്യും? ചെയ്യാനുള്ളത് അതിനു മുമ്പാണ്‌

കാട് ആനയുടെ സ്വന്തം ഇടമാണ്. നമുക്കാണേൽ ഒട്ടും പരിചയമില്ലാത്ത ഇടവും. കയറ്റവും ഇറക്കവും നമുക്ക് മാത്രമുള്ള ഒരു തടസ്സമാണ്. ആനയ്ക്ക് തന്റെ ഒരു വഴി മാത്രം. കാണാനും തൊട്ടരികിൽ നിന്ന് ഒരു പടം എടുക്കണമെന്നതും നമുക്ക് മാത്രമുള്ള പൂതിയാണ്. ഒരു ജീവിയും അത് വകവച്ചു തന്നല്ല മുന്നോട്ടു പോവുന്നത്.

യുക്തിയും സാമർത്ഥ്യവും നമുക്കുണ്ടങ്കിലും അവ എപ്പോഴും രക്ഷയ്ക്കെത്തില്ല. നല്ല കായികശേഷിയും ചാടാനും മറിയാനും മരം കയറാനും നിങ്ങൾക്ക് പറ്റുമായിരിക്കാം; എന്നാല്‍ ആനക്ക് അക്കാര്യം അറിയണമെന്നില്ല! അതിന് നമ്മൾ മുന്നിലെ ഒരു തടസ്സം മാത്രം.

അപ്പോൾ നമുക്ക് ആനയിൽ നിന്ന് പരമാവധി അകലം പാലിച്ചു നിൽക്കാം.തൊട്ടരികിൽ പത്യക്ഷപെടാതിരിക്കാൻ കരുതലോടെ കാൽവയ്ക്കാം.

കാട്ടിൽ മൗനം പാലിക്കാംകണ്ണും കാതും മൂക്കും തുറന്നു പിടിക്കാം. ഓരോ ചുവടും ജാഗ്രതയിൽ മുന്നോട്ടു പോവാം. കാട് ഒരത്ഭുതലോകമാണ്. നമ്മൾ അതിനകത്ത് എത്രയോ നിസ്സാരനാണന്ന് തിരിച്ചറിയാം. ഓരോ ജീവനും വിലപെട്ടതാണ്.

(സഞ്ചാരിയും, നാഷണൽ ഗ്രീൻ കോർപ്‌സ് മലപ്പുറം ജില്ലാ കോഡിനേറ്ററുമാണ് ലേഖകൻ)