Top

ബഹ്റൈനിലെത്തുന്ന യാത്രക്കാർ കോവിഡ് ടെസ്റ്റിന്‍റെ ചെലവ് വഹിക്കണം

ചികിത്സ തുടർന്നും സൗജന്യമായി ലഭിക്കും

MediaOne Logo

Web Desk

Web Desk

  • Published:

    12 July 2020 7:36 PM GMT

  • Updated:

    2020-07-12 19:36:07.0

ബഹ്റൈനിലെത്തുന്ന യാത്രക്കാർ കോവിഡ് ടെസ്റ്റിന്‍റെ ചെലവ് വഹിക്കണം
X

ജൂലൈ 21 മുതൽ ബഹ്​റൈൻ ഇൻറർനാഷണൽ എയർപോർട്ടിൽ എത്തുന്ന എല്ലാ യാത്രക്കാരും കോവിഡ്​ -19 പരിശോധനയുടെ ചെലവ്​ സ്വയം വഹിക്കണമെന്ന്​ ആരോഗ്യ മന്ത്രാലയം അറിയിച്ചു. 30 ദിനാറാണ്​ ടെസ്​റ്റിന്​ ചെലവ്​ വരിക.

അതേസമയം, സ്വദേശികൾക്കും പ്രവാസികൾക്കും കോവിഡ്​ ചികിത്സ തുടർന്നും സൗജന്യമായി ലഭിക്കും. യാത്രക്കാർ ‘ബി അവെയർ ബഹ്​റൈൻ’ മൊബൈൽ ആപ്പിലുടെ ഇലക്​ട്രോണിക്​ പേയ്​മെൻറ്​ ആയോ ക്യാഷ്​ ആയോ പണം അടക്കണം. കാബിൻ ക്രൂ, ഡി​പ്ലോമാറ്റിക്​ യാത്രക്കാർ, മറ്റ്​ ഔദ്യോഗിക യാത്രക്കാർ തുടങ്ങിയവർക്ക്​ ഫീസ്​ വേണ്ടതില്ല.

ട്രാൻസിറ്റ്​ യാത്രക്കാർക്ക്​ കോവിഡ്​ ടെസ്​റ്റ്​ ആവശ്യമില്ല. പരിശോധനയിൽ നെഗറ്റീവ്​ ആകുന്ന യാത്രക്കാർ 10 ദിവസം വീട്ടുനിരീക്ഷണത്തിൽ കഴിയണം. ക്വാറൻൈൻ കാലാവധി അവസാനിക്കു​മ്പോൾ വീണ്ടും ടെസ്​റ്റ്​ നടത്തണം. ഇതിനും 30 ദിനാർ അടക്കണം.

TAGS :
Next Story