Top

5 കോടിയുടെ വണ്ടി 35 ലക്ഷത്തിന്; റോള്‍സ് റോയ്സിനും വ്യാജനുണ്ടാക്കി ചൈന

എൽ.സി.ഡി ഇൻസ്ട്രുമെന്‍റ്​ ക്ലസ്റ്റർ, വലുപ്പമേറിയ ഡിസ്പ്ലേ യൂണിറ്റ്, 12 ഇഞ്ച് ഹെഡ്അപ്പ് ഡിസ്പ്ലേ, വീഡിയോ സ്ട്രീമിംഗ് റിയർവ്യൂ മിറര്‍,തിരഞ്ഞെടുത്ത വേരിയന്‍റിന്​ ആനുസരിച്ച് പ്രത്യേക സുഗന്ധ സംവിധാനം

MediaOne Logo

  • Updated:

    2021-03-02 09:50:30.0

Published:

2 March 2021 9:50 AM GMT

5 കോടിയുടെ വണ്ടി 35 ലക്ഷത്തിന്; റോള്‍സ് റോയ്സിനും വ്യാജനുണ്ടാക്കി ചൈന
X

വ്യാജ ഉത്പന്നങ്ങളുടെ തലസ്ഥാനമാണ് ചൈന. മെട്ടുസൂചി മുതല്‍ ആഡംബര കാറുകള്‍ വരെ ചൈന നിര്‍മ്മിച്ച് വിപണയിലെത്തിക്കാറുണ്ട്. കേവലം ലുക്ക് മാത്രമല്ല ഒറിജിനലിനെ വെല്ലുന്ന പൂര്‍ണതയിലാണ് ഓരോ ഉത്പന്നങ്ങളും ചൈന നിര്‍മ്മിക്കാറ്. ഇപ്പോഴിതാ ആഗോള ആഡംബര കാര്‍ നിര്‍മ്മാതാക്കളായ റോള്‍സ് റോയ്സിന്‍റെ ഡ്യൂപ്ലിക്കേറ്റിനെ നിരത്തിലെത്തിച്ചിരിക്കുകയാണ് ചൈനക്കാര്‍.

അടിമുടി ലക്ഷ്വറിയില്‍ കുളിച്ചുനില്‍ക്കുന്ന ഹോണ്‍ക്വി എച്ച്9 എന്ന സെഡാന്‍ കണ്ടാല്‍ ഒറിജിനല്‍ മാറി നില്‍ക്കും. ഒറിജിനല്‍ റോള്‍സ് റോയ്സിന് അഞ്ച് മുതല്‍ 10 കോടി വരെയാണ് വിലയെങ്കില്‍ 309,800 മുതൽ 539,800 യുവാൻ വരെയാണ്​ ഡ്യൂപ്ലിക്കേറ്റിന്‍റെ വില. ഇന്ത്യന്‍ രൂപയില്‍ ഏകദേശം 35 ലക്ഷം മുതൽ 61 ലക്ഷംവരെ മാത്രം.

സംഗതി ചൈനീസാണെന്ന് കരുതി ആഡംബരത്തിന് ഒട്ടും കുറവില്ല എന്ന് ആദ്യ കാഴ്ച്ചയില്‍ തന്നെ ബോധ്യമാകും. എൽ.സി.ഡി ഇൻസ്ട്രുമെന്‍റ്​ ക്ലസ്റ്റർ, വലുപ്പമേറിയ പ്രധാന ഡിസ്പ്ലേ യൂണിറ്റ്, 12 ഇഞ്ച് ഹെഡ്-അപ്പ് ഡിസ്പ്ലേ, വീഡിയോ സ്ട്രീമിംഗ് റിയർവ്യൂ മിറര്‍, തിരഞ്ഞെടുത്ത വേരിയന്‍റിന്​ ആനുസരിച്ച് പ്രത്യേക സുഗന്ധ സംവിധാനം, റഫ്രിജറേറ്റർ, മസാജ് സീറ്റുകൾ തുടങ്ങി ഒറിജിനലിനോട് കിടപിടിക്കാന്‍ പോന്ന ഒട്ടനവധി ഫീച്ചറുകള്‍ വാഹനത്തിലുണ്ട്.

പ്രധാമായും രണ്ട് എഞ്ചിന്‍ ഓപ്ഷനിലാണ് വാഹനം ലഭ്യമാവുക. 2.0 ലിറ്റർ ടർബോ ചാർജ്ഡ് എഞ്ചിനാണ് ആദ്യത്തേത്. 241 ബി.എച്ച്.പി കരുത്തും 380 എൻ.എം ടോർക്കും ഉത്​പാദിപ്പിക്കാന്‍ വാഹനത്തിനാകും. 3.0 ലിറ്റർ സൂപ്പർചാർജ്ഡ് വി 6 എഞ്ചിനാണ് രണ്ടാമത്തെ ഓപ്ഷന്‍.

269 ബി.എച്ച്.പി കരുത്തുള്ള എഞ്ചിന്‍ പരമാവധി 400 എന്‍.എം ടോര്‍ക്ക് പുറത്തെടുക്കും. ഏഴ് സ്പീഡ് ഡ്യുവൽ ക്ലച്ച് ട്രാൻസ്മിഷനാണ് രണ്ട് എഞ്ചിന്‍ ഓപ്ഷനുകളിലും വാഹനത്തിനുള്ളത്. നിരവധി സുരക്ഷാ സംവിധാനങ്ങൾക്കൊപ്പം സറൗണ്ട്-വ്യൂ മോനിറ്റർ സിസ്റ്റവും വാഹനത്തില്‍ ഉള്‍പ്പെടുത്തിയിട്ടുണ്ട്. എന്നാല്‍ വാഹനം ചൈനക്ക് പുറത്ത് വില്‍ക്കുന്ന കാര്യം ഇപ്പോള്‍ ആലോചിക്കുന്നില്ലെന്നാണ് കമ്പനി പറയുന്നത്.

TAGS :

Next Story