പോത്തിന്റെ പിറന്നാള് ആഘോഷിച്ചു; കോവിഡ് ചട്ടങ്ങള് ലംഘിച്ചതിന് കേസ്
കോവിഡ് ചട്ടങ്ങള് ലംഘിച്ചതിനാണ് കിരൺ മത്രെ(30) എന്നയാള്ക്കെതിരെ കേസെടുത്തത്
വീട്ടിലെ പോത്തിന്റെ പിറന്നാള് ആഘോഷവുമായി ബന്ധപ്പെട്ട് മഹാരാഷ്ട്ര സ്വദേശിക്കെതിരെ കേസ്. കോവിഡ് ചട്ടങ്ങള് ലംഘിച്ചതിനാണ് കിരൺ മത്രെ(30) എന്നയാള്ക്കെതിരെ കേസെടുത്തത്.
വ്യാഴാഴ്ചയാണ് കിരണ് താനെയിലുള്ള വീട്ടില് വച്ച് പോത്തിന്റെ പിറന്നാള് ആഘോഷിച്ചത്. ചടങ്ങില് പങ്കെടുത്തവര് മാസ്ക് ധരിച്ചില്ലെന്ന് മാത്രമല്ല സാമൂഹിക അകലവും പാലിച്ചിരുന്നില്ല. ഇത് ചൂണ്ടിക്കാട്ടിയാണ് വിഷ്ണു നഗര് പൊലീസ് സ്റ്റേഷന് കേസെടുത്തത്. എഫ്.ഐ.ആര് രജിസ്റ്റര് ചെയ്തിട്ടുണ്ടെന്നും അറസ്റ്റ് രേഖപ്പെടുത്തിയില്ലെന്നും പൊലീസ് അറിയിച്ചു.
ആശങ്ക ഉയര്ത്തി മഹാരാഷ്ട്രയില് കോവിഡ് കേസുകള് വര്ധിച്ചുകൊണ്ടിരിക്കുകയാണ്. വെള്ളിയാഴ്ച 15,817 പേര്ക്കാണ് കോവിഡ് സ്ഥിരീകരിച്ചത്. ആറ് മാസത്തിനിടയില് ഏറ്റവും ഉയര്ന്ന കണക്കാണിത്. കോവിഡ് വ്യാപനത്തിന്റെ പശ്ചാത്തലത്തില് നാഗ്പൂരില് മാര്ച്ച് 15 മുതല് 21 വരെ ലോക്ഡൌണ് പ്രഖ്യാപിച്ചിട്ടുണ്ട്.
Adjust Story Font
16